КіруБҚО-ДА АЛТЫ МЕДИЦИНА ҚЫЗМЕТКЕРІНЕН КОРОНАВИРУС АНЫҚТАЛДЫ
БҚО-дағы мемлекеттік комииссияның шұғыл штабы бүгін Батыс Қазақстан облысында коронавирус инфекциясын жұқтырған 6 адам тіркелгенін хабарлады. Алтауы да медицина қызметкері.
Олардың барлығы да жаңа коронавирус инфекциясын жұқтыру қаупі жоғары медициналық қызметкерлер ретінде тексерілгенде сынамалары оң нәтиже көрсеткен. ПТР диагностикалық зерттеу қорытындысымен барлығында да COVID-19 диагнозы нақтыланып, облыстық жұқпалы аурулар ауруханасына орналастырылды. Науқастармен қарым-қатынаста болған адамдар анықталып, барлығы медициналық бақылауға алынды. Ауру ошақтарында дезинфекциялық жұмыстар жүргізілді.
Эпидемияға қарсы шаралар жалғасуда.
Бүгінгі күнге 28 медициналық қызметкердің коронавирус жұқтырғаны тіркеліп отыр.
Айта кетейік, облыста коронавирус инфекциясының алғашқы жағдайлары 29 наурызда тіркелді. 1 мамырдағы жағдай бойынша облыста коронавирусты жұқтырған 152 адам тіркелді. Тоғызы сауығып, үйіне шығарылды.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу