КіруБҚО-ДА АБАЙ ҚҰНАНБАЙҰЛЫНЫҢ 175 ЖЫЛДЫҒЫНА АРНАЛҒАН ШАРАЛАР САЛТАНАТТЫ ТҮРДЕ БАСТАУ АЛДЫ
Бүгін Батыс Қазақстан облысында Абай Құнанбайұлының 175 жылдық мерейтойына орай шаралар салтанатты түрде ашылды.
Ұлы ақын, философ, сазгер Абай Құнанбайұлының 175 жылдығына орайластырылған «Абай – халықтың рухани қазынасы» атты салтанатты ашылу шарасы Х.Бөкеева атындағы қазақ драма театрында ұйымдастырылды. Театр фойесінде «Абай әлемі» атты кітап көрмесі ұйымдастырылып, қазақ үй төрінде «Ардагерлер» ансамблі Абай әндерін орындап, келушілерді күтіп алды. Салтанатты шара Абайдың «Сегіз аяқ» әнімен ашылды. Одан соң Абайдың адамзат руханияты туралы өлеңдерінен қойылым ұсынылды. Дәулеткерей атындағы қазақ халық аспаптары оркестрі сазгердің «Торжорғасын» орындады.
– Бүгінгі қоғамда ұлттық сананы оятып, рухани бағыт берер басты Темірқазығымыз – Абай Құнанбайұлы. Оның шығармаларының қайсысын алып қарасақ та, бұдан бір жарым ғасыр бұрын жазылғанымен, осы күнге дейін өзекті болып отыр. Қара сөздері мен өлеңдері тұнып тұрған философия. «Асыл сөзді іздесең, Абайды оқы ерінбе» деп Сұлтанмахмұт Торайғыров тегін айтпаса керек. Рухы мықты жас ұрпақты тәрбиелеу үшін Абайдың құдіретті сөзі қажет. Президентіміз Қасым-Жомарт Кемелұлы «Біз елді, ұлтты Абайша сүюді үйренуіміз керек. Ұлы ақын ұлтының кемшілігін қатты сынаса да,тек бір ғана ойды – қазағын, халқын төрге жетелеуді мақсат тұтты» деп жазды. Абай Құнанбайұлы – гуманист ақын. Ол дінге, ұлтқа, әлеуметтік жағдайына қарамай, «Адам адамды сүйе білуі керек» деген идеяны берік ұстанған. Бұған «Кемді күн қызық дәурен тату өткіз, Жетпесе біріңдікін бірің жеткіз» деген сөздері дәлел болады. Осы өлең жолдарында ұлт достығы мен татулықты жырлап, басқа түскен қиындықты бірге жеңуге шақырған. Абай тағылымы – таусылмайтын дастан, мәңгілік мұра. Абайды алдымен өзіміз танып, одан кейін ұрпағымызға танытайық. Өңірдегі басталып жатқан шараладың мән-мағынасына терең бойлап, тиісті деңгейде өткізуге тілектеспін, – деп салтанатты шараны алғы сөзімен ашқан облыс басшысы Ғали Есқалиев ұлы ақынның мерейтойы аясында жыл ішінде мазмұнды шаралар, мәнді жобалар өткізілетінін атап өтті.
Кеш барысында Ахмет Жұбановтың Абай операсындағы «Қарлығаш» әніне қойылған хореографиялық композиция ұсынылды. Абайдың қара сөздері мен поэзиясы, өзге тілге аударылған шығармалары оқылып, әндері шырқалды. Ал «Көзімнің қарасы» әнін М.Өтемісов атындағы БҚМУ және Құрманғазы атындағы саз колледжінің хоры залға жиналған көрермендермен бірге орындады.
Облыстық тілдерді дамыту басқармасының басшысы А.Мыңбаеваның айтуынша, Абай Құнанбайұлының 175 жылдығына орай облыста 800-ден аса іс-шара жоспарланған. Оның 115-і ауқымды шаралар. Халықаралық деңгейде 4, республикалық деңгейде 6 шара өтеді.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу