КіруБҚО-ДА АҚ ХАЛАТТЫЛАР ЖЕТІСПЕЙДІ
Жергілікті билік уәдені үйіп төгіп, жағдай жасауға тырысуда. Бірақ дәрігерлер бәрібір ауылға баратын емес. Ал ем-дом іздеген оралдықтар болса Ресей асып жүр. Ұлттық қауіпсіздік комитетінің шекара қызметі келтірген дерекке қарағанда биыл 4 мың оралдық көрші елге барып қайтыпты.
Оралда білікті дәрігердің аздығынан тиісті деңгейде ем-дом ала алмай жүргендер көбейді. Солардың бірі – Нәсіп Байғалиев. Ол – қате қойылған диагноз кесірінен мүгедек болып қалған. Денсаулығын Ресейге барып зорға түзепті. Рентген түсірілімін ажырата алмаған оралдық дәрігерлерге Нәсіп Байғалиевтың өкпесі қара қазандай.
– Аяғым сынған, оны маған «сіңірің созылған» деді. Айналып келгенде асық жілігім сынған екен. Сегіз жыл жүрдім. Аяғымды емдету үшін бармаған жерім жоқ. Алматыда болдым, Ақтөбеде болдым, Қызылордада алтын инеде болдым. Саратовқа бардым: «6 ай жатасың, 6 айдың ішінде жасап берем» деді. Жасап берді де: «Иди гуляй!» деді,– дейді Нәсіп Байғалиев.
Дәрігер тапшылығы өңірдің бас ауруына айналғанын басқармадағылар мойындайды. Бос орын емдеу мекемелерінің барлығында бар. «Баспана береміз» дегеннің өзінде мамандар ауылға баратын емес. Дәрігерлер аудандарда ғана емес облыс орталығында да жетпейді. БҚО денсаулық сақтау басқармасы қызметкерлерді басқару қызметінің басшысы Марат Хайруллиннің айтуынша, білікті мамандар жеке клиникаларға ауысып кеткен.
– Бүгінгі таңда облыс бойынша 245 дәрігер маман жетіспейді. Оның ішінде 84-і жалпы тәжірибе дәрігері, анестезиолог-ревматолог, акушер-гинекологтар тапшы,– деді Марат Хайруллин.
Ақ халаттылардың аздығынан оралдықтар ем-дом іздеп, Ресей асып жүр. Шекарашылар келтірген дерекке қарағанда 2020 жылы көрші елге 4 мың адам барып қайтыпты. Дені – бір балаға зар болғандар. Асқазаны ауырып жүйкесі жұқарғандар да, онкологиялық дертке шалдығып аллергиясы асқынғандар да Ресейге барып жүр екен. №5 қалалық емхананың директоры Тимур Әжіғалиевтің берген мәліметіне сүйнер болсақ бұл мәселе жуық арада шешімін таппайтындай.
– Халық «жыл сайын оқу бітіретін жүздеген түлек қайда кетеді» деп жиі сұрап жатады. Жастар жұмысқа шықса да, тұрмыс құрып, жүктілігіне байланысты 3 жылға декреттік демалысқа кетеді. Осындай жағдай жыл сайын қайталанып, маман тапшылығы әлі шешілмей келеді,– деді №5 қалалық емхананың директоры Тимур Әжіғалиев.
Өткен жылы өңірге 119 жас маман келген. Ал биыл облыстық денсаулық сақтау басқармасы болашақ дәрігерлерді жергілікті бюджет есебінен көбірек оқытуға күш салмақ. Сонымен қатар оларға арнап, үй мен жатақхана салуды да жоспарлапты. Бірақ бұл жоспардың қаншалықты өміршең болары әзірге беймәлім.
Айнара ИСА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу