КіруБҚО-ДА 208 МЕЦЕНАТТЫҢ ДЕМЕУШІЛІГІМЕН 198 ЖОБА ЖҮЗЕГЕ АСТЫ
«Рухани жаңғыру» бағдарламасы аясында Батыс Қазақстан облысында өткен жылы 2677 шара ұйымдастырылды. Бұл туралы бүгін өңірлік коммуникациялар қызметінің ақпарат алаңында өткен баспасөз мәслихатында айтылды.
«Рухани жаңғыру» бағдарламасының ең ірі жобалараның бірі «Туған жер» арнайы жобасы. Бұл жоба бойынша 2019 жылы 208 меценаттың демеушілігімен 198 жоба жүзеге асырылған. Бұған меценаттардың қалтасынан 711 млн. 448 мың теңге жұмсалған.
– Қазталов ауданында фельдшерлік-акушерлік, Теректі ауданында медициналық пункт, Шыңғырлау ауданында жаяу жүргіншілер үшін көпір салынды. Бұл бағыттағы жобалар биыл жалғасады деп сенеміз. Әзірге меценаттар 176 жоба ұсынып отыр. Жұмсалатын қаржы 600 млн. теңгеден асады деп күтілуде, – дейді «Рухани жаңғыру» өңірлік жобалық кеңсесі басшысының міндетін атқарушы Нұрдәулет Мұсағали.
«Қазақ тілін латын әліпбиіне көшіру» арнайы жобасы аясында 2019 жылы облыстың әр ауданында және Орал қаласында «Латын керуені» атты семинар-тренинг, «Latynfest» жастар форумы ұйымдастырылды. Латын қарпін үйренуге арналған «E-Latyn» платформасы іске қосылды.
«Қазақстанның 100 жаңа есімі» жобасына өткен жылы 71 батысқазақстандық өтініш білдірген. Алайда олардың біреуі ғана республикада таңдалған 32 адамның қатарынан табылды. Бұл – Әсел Аяпова есімді үш баланың анасы. Қазір ол АҚШ-тың AES корпорациясының Арлингтондағы штаб-пәтерінде жұмыс істейді.
Сондай-ақ «Рухани қазына», «Жаһандық әлемдегі заманауи қазақстандық мәдениет» және «Қасиетті Қазақстан» бағыттары бойынша жұмыстар жалғасуда. Облыстық мәдениет басқармасының бөлім басшысы Гүлмира Қауланованың мәліметінше, өткен жылы осы бағытта 229 шара өткен.
«Рухани жаңғыру» өңірлік жобалық кеңсесі басшысының міндетін атқарушы Нұрдәулет Мұсағали бұдан әрі аталмыш бағдарламаны жүзеге асыруға барлық мемлекеттік органдар жұмылдырылатынын атады. Бұл ағымдағы жылдың қаңтарында өткен «Рухани жаңғыру» бағдарламасын жүзеге асыру жөніндегі Ұлттық комиссия отырысында айтылған.
– Жиында бағдарламаны науқаншылық сипаттан арылтып, саннан сапаға көшу мәселесі қозғалды. Осы мақсатта «Рухани жаңғыру» бағдарламасын жүзеге асыру жобалық жоспарына енгізілген шаралар екі есеге қысқартылды. Бұрын бағдарлама алты бағытта жүргізілген болса, енді біріктіріліп «Адамның дамуы», «Ұлттың дамуы» және «Мемлекеттің дамуы» атты үш бағытта жалғастырылмақ. Сондай-ақ бұрын бұл бағдарламаға Ақпарат және даму, Мәдениет және спорт, Білім және ғылым министрліктері ғана араласқан еді. Ал жергілікті өңірлердегі 24 басқарманың бес-алтауы ғана тартылды. Енді барлық министрліктер мен барлық басқармалардың қатысуы жоспарланып отыр, – деді Нұрдәулет Наурызғалиұлы.
Версия для печатиСоңғы жаңалықтар
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Пікір үстеу