КіруБҚО БОЙЫНША МІНДЕТТІ ӘЛЕУМЕТТІК МЕДИЦИНАЛЫҚ САҚТАНДЫРУҒА 14,7 МЛРД. ТЕҢГЕ АУДАРЫЛДЫ
Батыс Қазақстан облысы бойынша міндетті әлеуметтік медициналық сақтандыруға (ММС) шамамен 14,7 млрд. теңге аударылған. Мемлекет тарапынан экономикалық белсенді емес халық үшін 7,8 млрд. теңге төленген. Бұл 355 мың адам үшін. 3,7 млрд теңгеге жуық жұмыс берушілер, 2 млрд. теңге – жалдамалы жұмыскерлер, 2,7 млн. теңге – жеке кәсіпкерлер, 1,4 млн. теңге – БЖТ төлеушілер, 980 мың теңге – азаматтық-құқықтық сипаттағы шарт бойынша еңбек ететін жеке тұлғалар, 670 мың теңге – дербес төлеушілер жіберді. Жарналар мен аударымдардың төленуі туралы бүгін өңірлік коммуникациялыр қызметі ұйымдастырған 2020 жылдың 1 қаңтарынан баста іске қосылған міндетті әлеуметтік медициналық сақтандыру жүйесінің жыл бойынша алдын-ала қорытындысы туралы брифингте әлеуметтік медициналық сақтандыру қоры «КЕАҚ» Батыс Қазақстан облысы бойынша филиал директоры Нұржамал Жұмағұлова айтып берді.
– ӘМСҚ үшін жарналар мен аударымдар Ұлттық банктегі арнайы шотқа түсетінін атап өткен жөн. Бұл қаражат әлеуметтік медициналық сақтандыру қорының жеткізуші – медициналық ұйымдары көрсеткен ӘМСҚ пакетінің медициналық қызметтеріне ақы төлеуге бағытталады. Ағымдағы кезеңде емделген жағдайлардың саны (барлығы 150 742 емделген) 2019 жылдың ұқсас кезеңімен салыстырғанда (барлығы 176 696 емделген) 25 954 жағдайға немесе 17,8% – ға төмендеді. Емделген жағдайлардың құрылымы айтарлықтай өзгерген жоқ, – дейді Нұржамал Жұмағұлова.
Қан айналымы жүйесінің ауруларына – 25 398 адам, (2019ж-33 956), тыныс алу органдарының аурулары – 16 132, (2019ж-25 100- 11%), несеп-жыныс жүйесінің аурулары – 11632 (2019 жылы-14 498) және ас қорыту органдарының аурулары– 11 376- (2019 жылы – 14 441) адам жолданған. Емдеуге жатқызу құрылымында жоспарлы тип барлық емделген жағдайлардың 54% -ын құрайды. (2019 жылғы 9 айда-21,3%); КВИ бойынша және карантиндік және провизорлық төсектерді қоса алғанда, 2020 жылы 16 383 пациент емделді. 2019 жылдың 11 айымен салыстырғанда жоспарлы емдеуге жатқызудың 37 147-ден 82 186-ға дейін өскені байқалады (МӘМС қаржыландыру көзіне жатқызылған босандыру диагнозы АЖ-ға «жоспарлы» тип бойынша енгізіле бастағаны есебінен).
Өңірде 8 медициналық ұйым КТ және МРТ қызметтерін көрсетеді (КТ 8 аппараты, 5 – МРТ жұмыс істейді), оның ішінде 5 облыстық/қалалық деңгейдегі тәулік бойы жұмыс істейтін стационар, 1 – аудандық МҰ (ШЖҚ «Ақжайық аудандық ауруханасы» МКК), сондай-ақ 2 МҰ («Uniserv medical center», «Эдванс» ЖШС) КТ және МРТ қызметтерін амбулаториялық деңгейде көрсетеді.
Нұржамал Жұмағұлованың баяндауынша, медициналық ұйымдар осы медициналық мекемелермен қызметтер алу үшін қосалқы мердігерлік шарттар жасаған. 2020 жылдың сәуір айынан бастап ШЖҚ «Көпбейінді қалалық аурухана»МКК базасында ангиографиялық қондырғы жұмыс істейді. Нейроинсультациялық орталық бойынша 23 пациентке 11 636 528 т сомасына қызмет көрсетсе, нейрохирургиялық бөлімше бойынша 91 131 307 тт сомасына 26 операция жүргізді.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу