КіруБҚО-ҒА МЕДИЦИНАЛЫҚ-ДЕНЕ ШЫНЫҚТЫРУ ДИСПАНСЕРІ ҚАЖЕТ
Бүгін, 20 ақпан күні халықпен есептік кездесу кезінде БҚО әкімі Ғали Есқалиев өңірде спорт саласындағы жүргізіліп жатқан жұмыстарды баяндады. Бұл саладағы маңызды мәселе – диспансерді ашу жөнінде тиісті салаларға тапсырма берді.
Президентіміз Қасым-Жомарт Кемелұлының тапсырмасына сәйкес, Жаңақала және Бөкей ордасы ауданында 2 дене шынықтыру-сауықтыру кешендері пайдалануға берілді. Сонымен қатар, 6 ауданда 7 дене шынықтыру-сауықтыру кешендерінің құрылыс жұмыстары жүріп жатыр. Осы жылы облысымызда Дариян, Тайпақ және Бұлдырты сияқты ірі ауылдарында спорт нысандарының құрылысы басталады.
Тұрғындардың спортқа қызығушылығын арттыру және жастарды спортқа тарту мақсатында өткен жылы бюджет және демеушілер есебінен 46 спорт алаңы салынды. Ал 2021 жылы облыс орталығында 20 көпбейінді спорт алаңын салу көзделіп отыр.
– Орал қаласында жеке кәсіпкерлердің белсенділігі қуантады. Олардың қаражатына 7 нысан ашылды. Аудандарды айтар болсақ, Бәйтерек ауданының Погодаево ауылында мәдени-спорттық кешен, Казталов ауданының Бостандық ауылында бокс залы және Жәнібек ауданында ат спорт мектебі ашылды, – деді Ғали Есқалиев.
Өңір спортшылары бокстан, үстел теннисінен, әйел күресінен және басқа да спорт түрлерінен жақсы нәтиже көрсетті. Облысқа медициналық дене шынықтыру диспансері керек. Арнайы спорт диспансердің болмауы балаларды жастайынан қабілетіне қарай спорт түрлеріне бағыттауға, денсаулықтарын бақылауға және жасөспірімдердің даярлығына кері әсер етіп отыр. Осы ретте облыс басшысы облыстық дене шынықтыру және спорт басқармасы мен денсаулық сақтау басқармасына мәселені шешуді тапсырды.
Сондай-ақ Ғали Есқалиев адам ғұмырының өлшемі де тіршілігі де денсаулыққа байланысты екенін атап, пандемия кезінде денсаулыққа көңіл бөлудің маңызын айтты.
– Спортпен шұғылдану үшін үлкен кешендерге, жаттығу залдарына бару міндетті емес. Бар болғаны спортты өмір салтымызға айналдыруымыз қажет. Ал кейде бос уақытымыз той-томалақпен, ойын-сауықпен өтіп жатады. Өңірімізде кейінгі кезде той тойлайтын нысандардың ішінара спорт алаңдарына айналып жатқаны көңіл қуантады. Той тойлайтын заман емес, ой ойлайтын заманда денсаулыққа көңіл бөлгеніміз абзал, – деді Ғали Нәжімеденұлы.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу