БӨЛІМ БАСШЫСЫНА КҮШ ҚОЛДАНЫП, СЕС КӨРСЕТКЕН
3 наурызға қараған түні Теректі аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысына сес көрсеткен.
БҚО Полиция департаментінің баспасөз қызметінің мәлімдеуінше, үш ер адам оның үйіне заңсыз кіріп, күш қолданып, зәбір көрсетіп, қорқытқан.
Бұл факті бойынша Теректі аудандық Полиция бөлімшесі Қылмыстық Кодекстің 389-бабы 3-тармағымен (озбырлық) және 149-бабы 2-тармағымен (Тұрғынжайға қол сұғылмаушылықты бұзу) сотқа дейінгі тергеу амалдарын бастады.
Күдіктілерге қатысты «Ешқайда шықпау туралы қолхат» алу шарасы қолданылған.
Қазір дәлелдік қорды бекіту бойынша жедел-тергеу шаралары жүргізілуде.
Версия для печати
Пікір үстеу