КіруҚАЗАҚСТАНДА ЕКІ АЗАМАТТАН КОРОНАВИРУС АНЫҚТАЛДЫ
Коронавирус жұқтырды деген екі азамат та Алматы қаласында болған. Олар Германиядан келген. Біреуі – ер, екіншісі – әйел адам. Қазір науқастар Алматыдағы жұқпалы аурулар стационарына карантинге жатқызылды. Бұл туралы денсаулық сақтау министрі Елжан Біртанов Орталық коммуникациялар қызметінде өткен брифингте мәлімдеген.
«Сол үшақпен келген азаматтар анықталып, карантинге жатқызылатын болады. Азаматтардың тізімі бізде бар. Олар келгеннен бері біздің бақылауда. Біздің алгоритм бойынша 24 сағатта осы азаматтар анықталып, карантиндік стационарға жеткізілуі қажет. Бір ұшақтың 12 азаматы қазір карантинде. Ары қарай бұл жұмыстар жалғасады. Барлық шаралар бұрын бекітілген алгорим бойынша жасалуда», – деді денсаулық сақтау министрі Елжан Біртанов.
Бірінші науқас 9 наурызда келген.
«9 наурызда келген нуқаспен бір ұшақта 73 азамат келген. Олардың тізімі бойынша жұмыс жасаудамыз. Қазіргі мақсатымыз – барлық азаматты тауып, карантинге жатқызу. Ары қарай диагностикалық шаралар жүргізу», – деді ол.
Екінші науқас кеше, 12 наурызда келген.
«Қауіпті індет жұқтырғандарды емдеуге кірістік. Олардың жағдайы қалыпты», – деді министр.
Е.Біртановтың айтуынша, орталық залалсыздандыру құралдарымен толық жабдықталған. Қажетті дәрі-дәрмек жеткілікті. Сондықтан министр елді дүрлікпеуге шақырды.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу