КіруҚАЗАҚСТАН ЖАЗУШЫЛАР ОДАҒЫ БҚО ФИЛИАЛЫНА ЖАҢА ТӨРАҒА ТАҒАЙЫНДАЛДЫ
Қазақстан Жазушылар Одағы БҚО бойынша филиалының төрағасы болып ақын, журналист Бауыржан Халиолла тағайындалды.
27 қыркүйек күні Қадыр Мырза Әли атындағы мәдениет және өнер орталығында Қазақстан Жазушылар Одағы БҚО бойынша филиалының пленарлық отырысы өтті. Басқосуды Қазақстан Жазушылар Одағының төрағасы, Қазақстанның еңбек сіңірген қайраткері, Қазақстанның мемлекеттік сыйлығының иегері, ақын, журналист Ұлықбек Есдәулет жүргізді. Алдымен атқарылған жұмыстар туралы есеп берді. Сонымен бірге биыл 80 жасқа толған ақын Айтқали Нәріковті Қазақстан Жазушылар одағының атынан құттықтап, алғыс хат ұсынып, шапан кигізді.
Сондай-ақ Қазақстан Жазушылар Одағы БҚО бойынша филиалының төрайымы қызметінен өз еркімен босаған ҚР Еңбек сіңірген қайраткері, ақын Ақұштап Бақтыгерееваның иығына камзол жауып, атқарған қызметіне ризашылығын білдірді. Облыс әкімінің орынбасары Серік Егізбаев ақын Ақұштап Бақтыгерееваның Ақжайықтың абыройын асқақтатып, мәдени-саяси іс-шараларда сүбелі үлес қосып жүргенін зор ілтипатпен айтып өтіп, облыс әкімінің алғысхатын табыс етті.
Бұдан кейін Қазақстан Жазушылар Одағының басқарма төрағасының орынбасары, Қазақстанның еңбек сіңірген қызметкері, Қазақстан Республикасы Президенті сыйлығының лауреаты, жазушы Мереке Құлкенов сөз алып, одақ секретариатының бірауыздан шешімімен филиал директоры болып ақын Бауыржан Халиолла тағайындалғанын жеткізді.
Пленарлық отырысқа қатысушы ақын-жазушылар Айтқали Нәріков, Ғайсағали Сейтақ, Мира Шүйіншәлиева, Бауыржан Ғұбайдуллин, Амангелді Шахин, Дариға Мұштановалар сөз алып, өз пікірлерімен бөлісті. Сондай-ақ Қазақстан Жазушылар одағы БҚО бойынша филиалының төрайымы қызметін атқарған Ақұштап Бақтыгерееваға ризашылықтарын білдіріп, жаңа төраға Бауыржан Халиоллаға зор сенім артатындарын жеткізді.
Айта кетейік, Бауыржан Халиолла – Сырым ауданында дүниеге келген, Әл-Фараби атындағы ҚазҰУ-дың журналистика факультетінің түлегі. Ақын, айтыскер, журналист. Халықаралық, республикалық айтыстардың жеңімпаз-жүлдегері, «Ерен еңбегі үшін» медалінің иегері. 2016 жылдан бері Қадыр Мырза Әли атындағы мәдениет және өнер орталығының директоры қызметін атқаруда.
zhaikuni.kz
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу