КіруҚАЗАҚСТАН. БҮГІН ЖӘНЕ БОЛАШАҚТА
Орал қаласының ақпараттық-талдау және жастармен жұмыс жөніндегі ресурстық орталығының ұйымдастыруымен ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің БҚО бойынша департаментінің қолдауымен Жәңгірхан атындағы Батыс Қазақстан аграрлық-техникалық университетінде мемлекеттік қызметкерлер мен студент жастарға арналған «Қазақстан бүгін және болашақта» тақырыбында қалалық пікірсайыс турнирі өтті.
Қазақ тілінде өткен қалалық турнирге екі қатысушыдан 13 команда жиналды (1 мемлекеттік қызметші және 1 студент). Қатысушылар алдын ала берілген тақырыптар бойынша пікір таластырды. Пікірсайысшылар берілген әр тақырыпты жан-жақты талқылап, ұтымды пікірлерін ұсынды. Жартылай финалға қатысу үшін қатысушылар 4 іріктеу кезеңінен өтті.
Тартысты өткен турнир қорытындысы бойынша жүлделі 1 – орынды «Хан тәңірі» фракциясы Бағдат Оразхан, Ақерке Сағдат иеленді, 2-орынға «Болашақ жастардыкі» фракциясы Ақжол Орынбаев, Арсен Жасталапов лайық деп танылса, 3-орынды «Заман біздікі» фракциясы Айдана Ақбалықова, Жасұлан Кажиахметов иеленді. Іріктеу кезеңдерінің нәтижесінде жоғарғы спикерлік балл жинап, ұтымды пікірімен ерекшеленген Ақжол Орынбаев «Үздік спикер» номинациясында топ жарса, «Үздік төреші» номинациясымен Динара Елемесова марапатталды.
Дебат ойындарына қатысушылардың пікірінше, мұндай іс-шаралар қазіргі кездегі мәселелерді анықтауға және мемлекеттік қызметкерлердің мәдениеті мен мінез-құлқын өзгертуге серпін береді.
Дебат ойындарының жеңімпаздары естелік сыйлықтармен және алғыс хаттармен марапатталды.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу