АВТОКӨЛІК ЖЫЛҚЫЛАРҒА СОҚТЫҒЫСТЫ
Батыс Қазақстан облысында автокөлік жылқыларға соқтығысып, үш адам жарақат алды.
Оқиға 4-ші қаңтар күні сағат 19.50 шамасында Ақсай-Бөрлі жолының 10-шақырымында болған.
1958 жылғы ер адам айдаған Митсубиси автокөлігі үш жылқыға соқтығысқан. Соның салдарынан екі 1957 жылғы және бір 1960 жылғы әйел адам түрлі жарақат алды. Облыстық денсаулық сақтау басқармасының баспасөз хатшысы Айнагүл Сақпосынованың нақтылауынша, ауруханаға жарақат алғандар басқа көлікпен өздері келген.
-Бұғанасы сынған 1957 және 1960 жылғы әйел амбулаторлық ем алуға жіберілді. Кеуде тұсына зақым келген 1957 жылғы тағы бір әйел дәрігердің бақылауына қалдырылды, – деді А. Сақпосынова.
Версия для печати
Пікір үстеу