КіруАТЫРАУ-ОРАЛ ТАС ЖОЛЫ КЕҢЕЙТІЛЕДІ
БҚО бойынша 2020 жылы 42,3 млрд. теңгеге 436 шақырым жол жөнделді. Биыл облыста 41,5 млрд. теңге қаражатқа 378 шақырым жолды жөндеуді жоспарланған. Бұл мәліметті халықпен онлайн есептік кездесуінде БҚО әкімі Ғали Есқалиев мәлім етті.
– Өткен жылы Қазталов ауданы мен Орал қаласын байланыстыратын жол толығымен жөнделіп пайдалануға берілді. Осы жылы Жәнібек, Бөкейордасы аудандарын облыс орталығымен байланыстыратын жолдарды жөндеуді жалғастыруға республикадан 20 млрд. теңге қаражат бөлініп, 129 шақырым жол салынады. Тұрғындар көтеріп жүрген мәселелердің бірі – Орал-Атырау тас жолын реконструкциядан өткізу. Біз үкіметпен кеңесіп, аталған жол жиегін кеңейту үшін жобалық-сметалық құжаттаманы әзірлеуді бастаймыз, – деді Ғали Нәжімеденұлы.
Өткен жылы облыстық және аудандық маңызы бар жолдарды жөндеу үшін 12,7 млрд. теңге қаражат жұмсалып, 192 шақырым жол жөнделді. 2021 жылы осы бағытта 220 шақырым жолды жөндеу жоспарда тұр.
Елді мекендердің жолдарын жөндеу бойынша да айтарлықтай жұмыс атқарылды. Былтыр 101 шақырым ауылішілік жолдар жөнделді. Бұл кейінгі 5 жылдағы ең жақсы көрсеткіш. 2020 жылы Орал қаласының 46,2 шақырымды құрайтын 41 көшеге асфальт төселді. «Нефтебаза» ауданындағы көпір қайта салынды.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу