КіруАСЫЛХАННЫҢ ЕРЛІГІ
Орал қаласы ПБ кезекші бөлімі жедел кезекшісінің көмекшісі полиция аға сержанты Асылхан Темірханов үшін биылғы жыл ерекше сет қалары анық. Асылхан ағымдағы жылдың 12 желтоқсан күні жасаған қайсарлығы мен батылдығы үшін «Жыл үздігі – 2018» жастар сыйлығының иегері атанды.
Полиция аға сержанты Асылхан Темірханов сол күні, яғни 12 желтоқсанда «Омега зауыты» ауданына қарасты «Вишенка-1» саяжай қоғамындағы туысқандарына амандаса барып, сол үйде түнеп қалады. Таңертеңгілік өзінің үйіне қайтпақ болған сәтте, шамамен сағат 09.00-де тәртіп сақшысы өзі шыққан үйге қарама-қарсы бетте көрші үйдің кенеттен жалынға оранып, кейбір тұсы бықсығанын байқайды. Жанталасып жүгіріп, үйдің сыртқы есігіне бетейді. Алайда, нағыз отқа оранып, бықсыған қою көк түтін есік тұсты шарпыған. Үйдің есігінен ішке ену мүмкін емес. Қою түтін көзіңді ашытып, қолқаңды толтырады, жүректі айнытады. Тез арада шешім қабылдаған Асылхан аулаға зулап кіріп, алдындағы терезе әйнегін шынтағымен соғып сындырады. Әйнек шытынай сынғанда «Іште кім бар, шығыңдар, өрт, өрт» деп айқайлайды. Тәртіп сақшысы айқайға басып, сынған әйнектен ішке басын сұққанша, жалындаған от пен түтін біраз жерді жайпап үлгерген болатын. Сынған терезеден 5 жасар қыз баланы көтеріп, сыртқа алып шығады. Кішкентай қыздың қолы, қары, саусақтары әйнекке мықтап кесілген. Содан кейін, үй ішінен жасы 40-45 шамасындағы ер адамды сыртқа жалғыз өзі жан ұшыра жүріп шығарады. Зіңгіттей ер адамның түтінге тұншығып қалғаны сондай басы айналып, көзі қарауытып, есеңгіреп қалған екен. Әйел адам өзі сүйретіліп тысқа шыққан. Осылайша, бір отбасын өртеніп жатқан үйден аман алып шыққан Асылхан үй иелерінен «үй ішінде тағы не бар, қауіпті не қалды» деп сұрадым» дейді. Әйел адам үйде біріне газ толтырылған, бірі бос газ баллон барын айтады. Ол 2 баллон жарылса, не боламыз деген тәртіп сақшысы отбасы мүшелерін ауладан алысқа шығарып, ілезде өрт сөндіру, медициналық жәрдем, «Үкі» түнгі іздестіру тобын шақырады. 2-3 минутта мекенжайға жеткен өрт сөндіру қызметі үй бұрышындағы 2 газ баллонды тысқа алып шығады. Ал, үй иелеріне дереу медициналық жәрдем көрсетіліп, түтінге уланғандары қалалық көп бейінді ауруханаға жеткізілген.
Сөйтіп, полиция аға сержанты А.Темірханов көз ілеспес жылдамдықпен бір отбасын өлімнен құтқарды.
Облыс әкімдігінің жастардың зор құрметіне ие болған тәртіп сақшысын әріптестері де құттықтады.
Гүламан Исмағұлова,Орал қ.ПБ баспасөз қызметкері
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу