КіруҚАРИЯЛАРДЫ ҚАМҚОРЛАДЫ
Қайырымдылық айлығы аясында Республикалық жоғары техникалық колледжі ұжымы мен студенттері Орал қаласындағы қарттар мен мүгедектер үйіндегі қамкөңіл жандарға арнап «Қарттарым – асыл қазынам» тақырыбымен концерт қойды. Қарияларға арнайы қызмет түрлерін ұсынды.
Қасиетті жұма күні мұндағы қамкөңіл жандарға колледж ұстаздары мен студенттері қонаққа келіп, ән-жырдан шашу шашып, оларға түрлі қызмет көрсетті. – Бұл кісілер тағдырдың тәлкегімен осында келіп қалған, біздің ата-аналарымыз сияқты қариялар ғой. Қарттардың бір күнгі қуанышының өзі бізге үлкен ләззат сыйлайды. Олар бала сияқты сәл нәрсеге қуанып, болмашыға мұңаяды. Сол себепті бір сәт көңілдерін аулап, жандарын жадыратқымыз келді. Сый-сияпатымызды даала келдік, – дейді қайырымды жандарды бастап барған Республикалық жоғары техникалық колледжі директорының тәрбие ісі жөніндегі орынбасары Руслан Қизағалиев.
Ал орталықтың тәрбие ісіне жауапты қызметкері Мария Папованың айтуынша, мұнда тұратын қарттар мен мүгедектердің әрқайсысының тағдыры атан түйеге жүк болғандай ауыр, әрқилы. – Мұнда ешкім де еріккеннен келмейтіні белгілі. Сондықтан оларға жылы көзқарас, ілтипатты қызмет көрсету басты міндет болып табылады. Біздің қызметкерлердің барлығы дерлік психолог деу орынды. Олар өмір иықтарына артқан ауыр тағдырлы адамдардың көңілін табуға тырысады, шама-шарқынша тұрғындардың қасы мен қабағына қарайды десем артық айтқандық болмас. Солай талап етіледі де, – дейді ол.
Колледждің белсенді студенттерінен құралған үлкен шығармашылық ұжымның бет алысы мен өнерлері адам сүйсінерліктей. Ән дейсіз бе, би дейсіз бе, күй дейсіз бе – бәрі осында. Өнерпаздардың өнерлері бірінен бірі өтеді. Мәселен, Жандос Қанатқалиевтың орындауындағы «Қыз бала гүл», Құралай Есмағанбетова шырқаған «Тілек» әндері қарияларды бір сілкінтті. Аңсар Сапиев «Шаршама» әнімен көрерменін ұйытса, Рауан Сұлтанов «Кавказ қызы», Арман Қалиев «Күз», «Армандастар» әндерімен қариялардың ықыласына бөленді. Бұдан соң белсенді жастар аға буын өкілдеріне арнайы қызметтерін ұсынды. Колледждің тарих пәні оқытушысы Айкөркем Кашапова әжелердің беттерін әрлеп, бір жасартса, колледж студенттері Нұрлыбек Жұмағұлов пен Инокентий Приходька қариялардың шаштарын сәндеп қиды.
Жастар қарттар үйіндегі ата-әжелерін ортаға алып суретке түсті. Бұл күнгі әсерлі кездесуден соң екі ұрпақ бірін-бірі қимай қоштасты. Қарттар мен мүгедектер үйі тұрғындары атынан сөз алған Баймағанбет Батырғалиев: – Сендер қамкөңіл қарияларға қандай қуаныш, қандай бақыт сыйлағандарыңды білесіңдер ме?! Біз енді сендерді апталап, айлап әңгіме қылып, өздеріңе, өнерлеріңе, қайырымды істеріңе тамсанып отыратын боламыз. Сабақ уақыты болса да, уақыттарыңды бөліп қарттардың көңілін көтеруге келген сендерге, өздеріңді бастап келген Руслан Қайырболатұлына алғысымыз зор. Өркендерің өссін!», – деп ақ батасын берді.
Кәусар БАЙҒАЛИЕВА
Версия для печати
Соңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу