КіруАПАТТЫ ҮЙ ТҰРҒЫНДАРЫНА – ЖАҢА БАСПАНА
Бүгін Елорда күніне орай мемлекеттік-жекеменшік әріптестік жобалары аясында Орал қаласындағы Ружейникова, 14 мекенжайында 9 қабатты 90 пәтерлік жаңа үй пайдалануға берілді. Тұрғындардың көптен күткен қуанышын облыс әкімі Ғали Есқалиев бірге бөлісіп, жаңа пәтер иелеріне шаңырақтарының кілттерін табыстады. Тұрғын үйдің құрылыс жұмыстарын «Болашақ-Т» ЖШС жүзеге асырған.
– Баршаңызды Астана күнімен шы жүректен құттықтаймын. Тұңғыш Президентіміз Нұрсұлтан Әбішұлының көреген саясатының нәтижесінде қазақтың кең байтақ даласында теңдесі жоқ қала бой көтерді. Астанамызда соңғы 20 жылдыңі ішінде халықтың саны бес есеге артты. Мыңдаған жастар Астанада өз өмір жолын жалғастырып, ел дамуына үлестерін қосуда. Бүгін Астана күніне орай қаламызда зәулім үй пайдалануға берілуде. Осы үйдің қабырғасын көтеруге мемлекет тарапынан инфрақұрылым салынды, 100 миллионнан астам қаражат бөлінді. Мемлекеттің қолдауының нәтижесінде бұрын тозығы жеткен апатты үйде тұрған 37 отбасы жаңа үйге көшуге мүмкіндік алды. «Болашақ-Т» құрылыс компаниясы 2014 жылы жаңа зауыт салып, сапалы әрі бағасы да тиімді үйлер салып келеді. Мердігер компанияға үлкен алғыс білдіремін. Жаңа қоныс иелеріне құтты болсын айтамын. Үйлеріңізден шаттық, бала күлкісі, үлкендердің батасы кетпесін, – деп құттықтауын жеткізген өңір басшысы Ғали Нәжімеденұлы жаңа пәтер кілттерін иелеріне тапсырды.
Су жаңа баспанаға ие болған «Алтын алқа» иегері, он баланың анасы Мастура Атаулина баршаны Елорда күнімен құттықтап, мереке қарсаңында шексіз қуанышқа бөлеген өңір атқамінерлеріне алғысын жаудырып, ақ батасын берді.
Қала әкімінің орынбасары Мирас Мүлкайдың айтуынша, қазіргі таңда Орал қаласында 52 ресми апатты деп танылған ескі үйлер бар. Сондай-ақ қала аумағында 200-ге жуық тозығы жеткен үй бар. Мемлекеттік жекешелік әріптестік аясында осы күнге дейін 19 апатты үй бұзылып, орнына сегіз көпқабатты үй салынған. Бүгінде Ружейникова 14 мекенжайында сүрілген 37 үйдің орнына 400-ге жуық пәтер қолданысқа берілуде. Ағымдағы жылы Абай даңғылы 246 мекенжайында тағы бір көпқабатты тұрғын үйді қолданысқа беру жоспарланып отыр. Одан бөлек бес үйдің құрылысы жүруде. Аталмыш бағдарлама болашақта да жалғаса бермек.
Жаңа пәтер кілтін алып, қуанышын жасыра алмағандардың қатарында қала тұрғыны Бақыт Сүндетова да бар.
– 1997 жылдан бері Ружейникова 14-үйде 23-пәтерде тұрғам. 52 шаршы метрді құрайтын үйіміздің жағдайы өте нашар болды. Жертөледен су кетіп, жағымсыз иіс қолқаны қауып, баспанамыз құрт-құмырсқаға толатын. Міне, бір жылдың ішінде ескі үйіміз сүріліп, орнына көз сүйсінерліктей зәулім сарай тұрғызылды. Адам айтса, нанғысыз. Осы үйден екі бөлмелі пәтер бұйырды. Шексіз ризамын. Жолдасым, екі қызыммен енді жаңа қоныста бақытты ғұмыр кешетін боламыз, – дейді ол.
Кәусар БАЙҒАЛИЕВА
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу