КіруАНАЛАРДЫҢ УӘЖІ
Көпбалалы аналардың атынан келген бастамашы топ бүгін қала әкімінің орынбасары Бақытжан Нарымбетов бастаған облыстық басқарма, қалалық бөлім басшыларымен кездесті. Еркін форматта жүргізілген жүздесуде әйел-аналар көкейдегі сауалдарын қойып, негізгі мәселелерін жеткізді.
Қазіргі уақытта республика деңгейінде белсенділік танытып жүрген «Ақжүніс» аналар қоғамдық қозғалысының» өңіріміздегі мүшелерін бастап келген Айнұр Арыстанованың айтуынша, қоғам өңіріміздегі 300-ге жуық ананың басын біріктіріп отыр. Олардың қатарында көпбалалы, аз қамтылған отбасы аналары бар.
– Осы уақытқа дейін қала әкімдігімен, бөлімдермен тығыз жұмыстанудамыз. Олардың алдына қойған мәселелеріміздің кейбірі шешілді. Бірақ, әлі де бірқатар жайттар шешімін таппай отыр, – дейді Айнұр.
Кездесуде өңірдің әр ауданынан арнайы келген аналар да болды. Әрқайсысы сөз алып, ортақ мәселелерді қозғауға тырысты. Мәселен, Теректіден келген А.Нұржанованың айтуынша, өзге қалалар көпбалалы аналарға қоғамдық көліктерде тегін жол жүру жайын шешуде. Осы ретте өңірімізде аналарға қоғамдық көліктерде жол жүру ақысын жеңілдетсе деген ойын жеткізді. Сондай-ақ қолдарында мүгедектігін анықтайтын құжаттары бола тұра қоғамдық көліктердің қызметін тегін қолдана алмай отырғандар бар. Құжатты көрсеткенімен, кондукторлардың бірқатары оған назар салмай, ақша төлеуді талап ететін көрінеді.
– Компаниялар жолақысы тарифін 185 теңгеге дейін көтеруді сұраған болатын. Расында зерттеу нәтижесі олардың жолаушылар тасымалын ұйымдастыру шығыны талап еткен тарифке сай келетінін көрсетті. Әйтсе де, халықтық қалтасына салмақ салмау үшін бағаны осы 80 теңгеде ұстаудың амалдары жасалды. 7 жасқа дейінгі балалар қоғамдық көлікте тегін, 14 жасқа дейінгілер 50 пайыздық жеңілдікпен жүреді. Қазір қала бюджетінен автобус парктеріне 191 млн. теңге төленуде. Әр түрлі санаттағы топтарды жеңілдікпен қамту үшін тасымалдаушылар 2 млрд. теңгеге дейін қаржы сұрап отыр, – деп түсіндірген қала әкімінің орынбасары Бақытжан Хаберұлы олқылық орын алған маршруттар мен кондукторлар бойынша нақты деректердің ұсынылуы қажетін айтып, шара қолданылатынын жеткізді.
Сонымен қатар аналардың денсаулық сақтау және білім беру салаларына қатысты сауалдары көп болды. Соның ішінде ем алу үшін порталға кезекке тұрудың ұзақ уақыт алатыны, жедел жәрдем қызметін жақсарту, ауылдық елдімекендерде білікті медицина мамандарының тапшылығын ортаға салып, бұл сұрақтардың әрқайсысына облыстық денсаулық сақтау басқармасы басшысының орынбасары Гүлнәр Әбдрахманова жеке-жеке жауап берді. Көпбалалы отбасы балаларының балабақшаға орналасуы, жалпы білім беру қорынан берілетін киім-кешектің сапасын көтеру, мектептердегі тамақтың ұйымдастырылуына қатысты мәселелер де назардан тыс қалмады. Көпбалалы аналардың көкейтесті сауалдарын, негізгі мәселелерін анықтау мақсатында тоқсан сайын кездесу ұйымдастыру туралы шешім қабылданды.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу