КіруҚАЛА БЮДЖЕТІ НАҚТЫЛАНДЫ
2019 жылға арналған қалалық бюджеттің жалпы сомасы 235 623 мың теңгеге нақтыланды. Бұл туралы бүгін Орал қалалық мәслихатының 31-кезекті сессиясында мәлім болды. Сессия жұмысына қала әкімі Мұрат Мұқаев, құрылымдық бөлімше басшылары мен депутаттар қатысты. 
Орал қалалық мәслихатының депутаты Наджаф Мамедовтың төрағалығымен өткен сессия жұмысының күн тәртібінде Орал қаласының 2018 жылға арналған бюджетінің атқарылу барысыталқыланып, ағымдағы жылға арналған бюджет нақтыланды. Алғашқы мәселе бойынша сөз алған қалалық қаржы бөлімінің басшысы Ербол Шүкірғалиевтің мәлімдеуінше, Орал қаласы жергілікті бюджетінің 2018 жылғы жоспары 41 077 917 мың теңге, түскені 43 589 281,8 мың теңге, немесе 105,4% құрайды. Жиында Батыс Қазақстан облысы бойынша тексеру комиссиясының мүшесі Мереке Көбейсінов өткен жылы Орал қаласы бюджетінің орындалуы туралы баяндады. Ал шаһардың биылғы жылға арналған бюджетін нақтылау барысы жөнінде сөз алған қалалық экономика және бюджеттік жоспарлау бөлімінің басшысы Альмира Төлегенова 2019 жылға арналған қалалық бюджеттің жалпы сомасын 235 623 мың теңгеге түсімдердің ұлғаюы жағына нақтылауды ұсынды. Мәселен, «Мектепке дейінгі білім беру ұйымдарында мемлекеттік білім беру тапсырысын іске асыру» бағдарламасы бойынша қосымша – 235 623 мың теңге қарастырылса, аудандық деңгейде спорттық жарыстар өткізу бағдарламасы бойынша қаражатты қайта бөлу – 9 096 мың теңгеге азайтылған. «Бұқаралық спортты және ұлттық спорт түрлерін дамыту» бағдарламасына 9 096 мың теңге қосымша қаражат бөлінді. Сондай-ақ сессия барысында Орал қаласы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның құрамы бекітілді.
– Таяуда өңірімізге іссапармен ҚР Президенті Қасым-Жомарт Тоқаев келген болатын. Мемлекет басшысы облыстың дамуына, соның ішінде Орал қаласының әлеуметтік-экономикалық өсуіне жоғары бағасын берді. Бұл – біз үшін жетістік. Жалпы қала бюджетінің көлемі жылдан-жылға артып келеді. Өткен жылы қала бюджеті 41,4 млрд. теңгені құраса, қазір 5 млрд.-қа артып, жалпы 8,4 пайызға өсті. Ең бастысы республикалық трансферттердің көлемі ұлғайды. Қаламыздың өсіп-өркендеуі сіздермен бірлесе жасаған жұмысымыздың оң нәтижесі, – деді сессия жұмысын қорытындылаған қала әкімі Мұрат Мұқаев. Сессия барысында мемлекет пен қоғам тарапынан жүктелген міндеттерді абыроймен атқарып, өңіріміздің дамуына қосқан елеулі үлесі, белсенді қоғамдық қызметі үшін төрт шақырылым бойы, яғни 16 жыл қалалық мәслихат депутаты болған Шалқыма Құрманалина ҚР Парламенті Сенаты төрағасының, ҚР Мәслихаттарының құрылғанына – 25 жыл толуына орай қалалық мәслихат депутаты Лилия Хайруллина облыс әкімі Алтай Көлгіновтың Алғыс хатымен марапатталды. Ал қалалық мәслихат депутаты Тұрарбек Тілемісов шаһарды қалың қардан тазарту, су тасқынының алдын алу шараларына белсенді атсалысқаны үшін өңір басшысының Алғыс хатын алды. Қалалық мәслихаттың кезекті сессиясының төрағасы болып депутат Валентина Михно сайланды.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу