ҚАЛА БАСШЫСЫ КӨЛІК ҚЫЗМЕТКЕРЛЕРІН КӘСІБИ МЕРЕКЕЛЕРІМЕН ҚҰТТЫҚТАДЫ
Тамыз айының бірінші жексенбісі көлік қызметкерлерінің төл мерекесі. Кәсіби мерекеге орай Орал қаласы әкімі Абат Шыныбеков бір топ сала қызметкерлерін арнайы қабылдап, марапаттады.
– Қаламызда жолаушылар мен жүк тасымалдауды жүзеге асыратын теміржол, әуе, су және автомобильдік көлік түрлері бар. Соның ішінде қала ішінде жолаушы тасымалдаумен 7 кәсіпорын айналысады. Оның біреуі – су көлігі. Бұл кәсіпорындарда 800-ге жуық қызметкер жолаушы тасымалын дамыту, бұл саладағы қауіпсіздікті қамтамасыз ету, көрсетілген қызметті сапалы ету жолында ерен еңбек етеді. Кәсіби мерекелеріңізбен құттықтай отырып, осы салада елеулі еңбек сіңіріп, мақсатқа жетудегі ынталарыңыз бен іскерліктеріңіз үшін зор алғысымды білдіремін», — деді шаһар басшысы.
Мұнан соң Абат Абайұлы бірқатар көлік саласының мамандарына алғыс хаттар табыс етті.
zhaikuni.kz
Версия для печати
Пікір үстеу