КіруАЛАҚАН ЖАЙҒАНДАРҒА АЛДАНЫП ҚАЛМА!
Елімізде ауру балаларды емдеуге арналған есепшоттар арқылы пайда табуды көздеген алаяқтар көбейіп кеткен. Олардың дені осы күнге дейін Алматы, Нұр-сұлтан, Ақтөбе қалаларында кездессе, енді батыс өңірде де қылаң бере бастаған.
Мәселен, алаяқтар әлеуметтік желілер арқылы науқас балалардың ата-аналарына волонтерлар атынан хабарласып, қажетті соманың жиналғанын айтып, банк карталарының нөмірін сұрап, кейін ақпаратты жинаған соң, есепшоттағы қаржыны жымқырып отырған. Облысқа танымал волонтер – Ғалия Бекқожиева бірнеше жылдан бері, науқас балалардың еміне қаржы жинаумен шұғалданады. Ол өзі сынды еріктілерді қатарына тартып, көмек керек жандарға қол ұшын созып жүр. Соңғы аптада оның осы танымалдылығынан хабары бар алаяқтар Ғалияның атынан тұрғындарға хабарласып, жымысқы әрекеттерін жүзеге асырып жүрген көрінеді.
– Осы апта басталмас бұрын бірнеше белгісіз адамдар менің суретімді әлеуметтік желіден жүктеп алып фейк парақшалар ашып, хабарласып тұрғындардан ақша жинап жүр. Осындай жалған алаяқтарға алданып қалмаңыздар. Мен көмек керек жандармен көзбе-көз жүздесіп, жиналған қаражатты банк есепшотына ешқандай құпия сандарды сұрамай-ақ, аударамын не болмаса, қолма-қол беремін. Ал алаяқтар банк еспшотының артқы бетіндегі үш құпия санды сұрап сол арқылы құпия сөзді ауыстырып ондағы ақшаны алып алады. Сол себепті сақ болыңыздар, – дейді Ғалия Бекқожиева.
Қазір орталық базар маңында науқас балалардың еміне ақша жинап жүргендерді де көзіміз жиі шалып жүр. Олардың бұл әрекеттері де күмәнді дейді сала мамандары. Өйткені, Нұр-сұлтан мен Алматы, Ақтөбе қалаларындағы осындай еріктілер тобының жұмысы заңсыз екені анықталған. Оралдықтар болса, Орталық базар маңында соңғы кезде алақан жайып, қолдарын созғандардың қатары көп екенін жасырмайды. Осы орайда, БҚО полиция департаментінің баспасөз қызметінің жетекшісі Болатбек Белгібеков әлеуметтік желілілер арқылы пайда таппақ болған, арамтамақтардың қатары күн санап көбейіп келе жатқанын айтады.
– Ішкі істер министрлігінің нұсқауына сәйкес, биылғы жылдың 11-12 маусым күндері БҚО аумағында «Hi-Tech» жедел- профилактикалық іс шарасы өткізіліпті. Оның аясында бір күннің өзінде 12 қылмыс анықталған. Атап айтсақ, жергілікті полиция қызметкерлері Атыраудан 1991 жылғы, адамдардың сеніміне кіру арқылы пайда таппақ болған азаматшаны құрықтаған. Оның үстінен ҚР ҚК 190 бабы 2 бөлімі 4-ші тармағына сәйкес қылмыстық іс қозғалғалды. Сол себепті ел азаматтарын сақ болуға шақырамын, – деді Болатбек Еркебұланұлы.
Ал, нағыз қиналғанға көмек қолын созуға құлықты болсаңыздар, онда арнайы көмек қорларын таңдаңыздар. Қол жайғанның бәрі қайыршы емес екенін естен шығармайық!
Айнұр ҚҰРМАШЕВА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу