КіруАқ Жайықта Қадыр тойы басталды
Бүгін, 19-қыркүйек күні Ақ Жайық өңірі, Орал қаласында Қазақтың Қадыры атанған ұлт мақтанышы, дана әрі дара ақын Қадыр Мырза Әлінің туғанына 90 жыл толуына орай, «Дәуір дарабозы» атты өнер шарасы басталды.
Батыс Қазақстан облысының әкімі Нариман Төреғалиев, Орал қаласының әкімі Мұрат Байменов аяулы ақын Қадыр Мырза Әлінің асыл жары, Алматыдан арнайы келген мейман Салтанат апамызды гүл шоқтарымен қарсы алып, шараның ашылу рәсіміне қатысты.
Алдымен Қазақстанның Халық жазушысы, ҚР Мемлекеттік сыйлықтың иегері Қадыр Мырза Әлінің ескерткішіне тағзым етілді.
Шарада өңір басшысы Нариман Төреғалиев пен ҚР еңбек сіңірген қайраткері Ақұштап Бақтыгереева құттықтау сөз сөйлеп, әдебиет пен поэзияға өмірін арнап, мол мұра қалдырған Қадыр ақын туралы ой толғады.
Қарымды қаламгердің 90 жылдығына Қазақстан Жазушылар Одағының төрағасы, баспагер Мереке Құлкенов пен танымал журналист, зерттеуші Қайнар Олжай, Қадыр Мырза Әлінің отбасы, жерлесіміз-кәсіпкер Құндыз Нупов бастаған қонақтар келді.
Ауқымды іс – шара бүгін Оралда, ертең Жымпиты ауылында жалғасады.
«Жайық үні»
Соңғы жаңалықтар
Медициналық ынтымақтастық: Батыс Қазақстан мен Корея клиникасы меморандумға қол қойды
Батыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
БҚО Қытаймен әріптестікті күшейтті: жалпы құны 134 млрд теңге болатын 14 меморандумға қол қойды
БҚО-да ипотекамен тұрғын үй алуға көмектесемін деп уәде берген күдікті әйел ұсталды
