КіруМЕКЕМЕ МАМАНДАРЫ СӨЗ САЙЫСТЫРДЫ
Батыс Қазақстан облыстық тілдерді дамыту басқармасының қолдауымен «Еуразия әлеуметтік-гуманитарлық зерттеу орталығы» қоғамдық бірлестігі Ғ.Құрманғалиев атындағы Батыс Қазақстан облыстық филармониясының үлкен залында «Жақсы сөз – жанның тынысы» атты мекемелер мен кәсіпорындар арасында облыстық сөз сайысы байқауын ұйымдастырды. Бұл шараға 5 мекемеден құралған 5 топ қатысты.
Байқаудың мақсаты – қоғамның әр саласында қызмет етіп жүрген мамандарды ынталандыру, тілдерді жетік меңгерген қабілетті мамандарды анықтау және қолдау. Мемлекеттік тілдің қолданылу аясын кеңейту, мемлекеттік тілдің мәртебесі мен маңызын кеңінен насихаттау, мекемелер мен кәсіпорындар арасындағы мемлекеттік тілді меңгерген қызметкерлердің санын арттыру, қазақстандық патриотизмді дамыту, рухани құндылықтарымызды насихаттау.
Алғашқы таныстыру бөлімінде әр топ өз мекемесін таныстырып, оны қысқаметражды бейнеролик немесе презентация түрінде қорғады.
Екінші бөлім – «Sen de – bir kirpish, dúnɪege…» деп аталды. Қатысушылар латын графикасы бойынша эссе жазады. Эссе тақырыбында Қазақстандағы қазіргі саяси-әлеуметтік өзекті мәселелерді қамтып, рухани жаңғыру мәселесі сөз болды.
Үшінші «Өнерліге өріс кең» кезеңінде әр топ өз өнерлерін (Ән, күй, би, көркем сөз оқу және т.б) ортаға салды.
Төртінші бағыт – «Жүйріктен жүйрік озар жарысқанда» деп аталып, мақал-мәтел айту, жағдаяттық мәселе бойынша топтар арасында пікір алмасып, сұраққа жауап берді. Жағдаяттық тапсырмаларда қазіргі «Болашаққа бағдар: рухани жаңғыру», «Ұлы Даланың жеті қыры» т.б. тақырыптар төңірегінде ой толғады. Ұсыныс-пікірлер айтылды.
Байқауда айтыскер ақын, Қазақстанның еңбек сіңірген мәдениет қайраткері Ш. Қыдырниязова, ақын, жұбантанушы ұстаз Ү.Елеубаева, М.Өтемісов атындағы Батыс Қазақстан мемлекеттік университетінің Мәдениет және өнер факультетінің деканы, PhD философия докторы – Қ.Қажимова , Орал қалалық №40 ЖББОМ қазақ тілі және әдебиет пәні мұғалімі – А.Сабыр, аға оқытушы, философия докторы – А.Ақболат қазылар алқасының мүшесі ретінде үміткерлердің тіл біліктілігі, тіл мәдениетін, білімдері мен өнерлерін бағалады.
Жалпы қорытынды бойынша Бас жүлдені – Орал қаласының Полиция басқармасының «Оралдың айбынды сақшылары» тобы қанжығасына байлады.
Бірінші орынды – Батыс Қазақстан облысы жастар саясаты мәселелері басқармасының Жастармен жұмыс жөніндегі ресурстық орталығы атынан келген «Жалынды жастар» тобы, екінші орынды – Батыс Қазақстан облысы бойынша Қылмыстық-атқару жүйесі департаменті РУ-170/1 мекемесінің «Тіл сақшылары» тобы, үшінші орынды «Жайық Пресс» ЖШС-ның «Qalamger» тобы иемденді. Ж.Молдағалиев атындағы Батыс Қазақстан облыстық ғылыми-әмбебап кітапханасының «Аманат» тобына белсене қатысқаны үшін арнайы алғыс хат табыс етілді.
Барлық командалар ақшалай сертификаттармен мараппатталып, жүлделі орын алған командаларға статуеткалар мен дипломдар табысталды.
Фотосуреттерді түсірген Рафхат Халелов
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу