КіруЖАСӨСПІРІМДЕРДІ АДАЛДЫҚҚА ШАҚЫРДЫ
«Адалдық» туралы жиі айтамыз. Әйткенмен, осы ұғымның мағынасына терең үңіліп жүрміз бе? «Ақжайық – адалдық алаңы» жобалық кеңсесі аясында жас ұрпақты парасаттылыққа тәрбиелеу мақсатында ұйымдастырылған сыбайлас жемқорлыққа қарсы жазғы мектеп лагерінде осы тақырып кеңінен талқыланды. Сыбайлас жемқорлыққа қарсы қызметтің БҚО бойынша департаментінің бастамасымен өткен шарада қалалық «Атамекен» лагерінің демалушыларына департамент басшысы Р.Ақмырзаев, ҚР «Үздік мемлекеттік қызметшісі» төсбелгісінің иегері, ҚР Президенті жанындағы Мемлекеттік басқару академиясы БҚО филиалының профессоры М.Нұртазин, «Ақжайық – адалдық алаңы» жобалық кеңсесі басшысының орынбасары О.Насимуллин және ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің БҚО бойынша департаменті сыбайлас жемқорлықтың алдын алу басқармасының басшысы Б.Хайруллин дәріс жүргізді.
Жас жеткіншектермен кездесу шарасын Сыбайлас жемқорлыққа қарсы қызмет БҚО бойынша департаментінің басшысы Рустам Ақмырзаев ашып, жемқорлық деңгейін төмендету мен сыбайлас жемқорлықты қабылдамаудың қоғамдық ахуалын қалыптастырудағы түсіндіру жұмыстарын жүргізудің, ерте жастан сыбайлас жемқорлыққа қарсы мәдениетке тәрбиелеудің маңызын атады. Осы орайда сөз алғандар дамыған ел қатарына енуде сыбайлас жемқорлық құқықбұзушылықтарының деңгейін төмендету негізгі міндет екенін және оған әр адамның үлесі болуы керектігін жеткізді.
– 250 жыл бұрын АҚШ президенті болған Авраам Линкольн баласын мектепке бергенде білім ұясының директорына хат жазған. Хатында баланы еңбекқорлыққа, өзгелерді сыйлауға үйретуін сұрап, «Еңбекпен тапқан 1 доллар көшеден тауып алған 5 доллардан қымбат, берекелі екенін санасына сіңіріңіз» деген екен. Бұл мысал арада екі ғасырдан астам уақыт өтсе де, мәнін жоғалтқан жоқ. Адал еңбек қана бізді биікке жетелейді. Абай атамыз қара сөздерінде көптеген мәселелерді көтеріп, біздің кейбір азаматтарымыздың еріншектігі туралы айтып, өкінішін білдіреді. Шәкәрім Құдайбердіұлы адам баласына мінез-құлық қалай бітсе, тағдырына соның әсері болатынын айтқан. Бойларыңызға адамгершілік, адалдық қасиетті жиып, мінез-құлықтарыңызға үйлестіре білсеңіздер қоғамның парасатты перзенті болатындарыңызға сенемін, – деп кеңесін берді мемлекеттік қызмет саласының ардагері Мирболат Нұртазин.
Кездесу аясында «Ақжайық – адалдық алаңы» жобалық кеңсесінің қызмет барысы туралы баяндалды. Осы ретте балғындар «Адалдық» ұғымы туралы өз ойларын бөлісті. Парасаттылықты қалыптастыру, адал жолмен табысқа жету мүмкіндіктері туралы сұрақтарын қойып, сала мамандарының кеңестері мен ой-пікірлерін тыңдады.
Шара соңында дәріске қатысқан жеткіншектерге сыбайлас жемқорлыққа қарсы жазғы мектеп лагеріне қатысқанын растайтын сертификат табысталды.
Айта кету керек, жастар мен жасөспірімдерді сыбайлас жемқорлыққа қарсы тәрбиелеу жұмыстары өңірдегі білім беру мекемелерінде оқу-тәрбие процесінде, оның ішінде тәрбие сағаттары, кездесулер, байқаулар ұйымдастыру арқылы жүзеге асады. Жасөспірімдердің сыбайлас жемқорлыққа қарсы мәдениетін қалыптастыру мақсатында қолға алынған бастамалардың бірі – «Адал ұрпақ» ерікті мектеп клубтарының жұмысын ұйымдастыру. Облыстық білім басқармасы басшысының міндетін атқарушы Сандуғаш Сайынқызының мәліметінше, қазіргі уақытта облыс мектептерінде 309 клуб құрылған. «Адал ұрпақ» қатарында 5406 ерікті бар.
Эльмира НҰҒМАНОВА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу