КіруБҚО-ДА КИІК АУЛАҒАНДАР ҰСТАЛДЫ
Киіктерді заңсыз аулаумен айналысты деген күдікпен Жәнібек ауданының тұрғындары ұсталды. Бұл туралы БҚО полиция департаментінің баспасөз қызметі хабарлады.
23 маусым күні сағат 10.30 шамасында Жәнібек ауданы Ақоба ауылына қарасты «Мәңгүр» және «Достық» қыстақтары арасынан, Адайбай су қоймасына жақын маңнан киіктің 4 төшкесі табылды. Батысқазақстандық полиция қызметкерлерінің «Охотзоопром» өңірлік мекемесінің инспекторларымен бірге жүргізген жедел іздестіру шаралары нәтижесінде осы қылмысты жасады деген күдікпен екі азаматты анықтап, 1991 және 1979 жылғы аудан тұрғындарын ұстады. Оқиға орнынан 12 калибрлі «ИЖ-54» қосауыз аңшылық мылтығы мен 5 оқ және екі велосипед табылған.
Сонымен қатар 25 маусым күні сағат 11.00 шамасында полицейлер «Охотзоопром» өңірлік мекемесінің инспекторларымен бірге Жәнібектің Күйгенкөл ауылы қарасты «Астау салған» қыстағы маңын барлау кезінде 1973 жылғы азаматты ұстады. Оның мотоциклінен киіктің 2 төшкесі және 4 мүйізі, пышақ, 12 калибрлі қосауыз мылтық пен 5 оқ табылған.
Екі факті бойынша да қазіргі уақытта Жәнібек аудандық полиция бөлімі ҚР Қылмыстық кодексінің 337 бабы 4-тармағымен (заңсыз аңшылық) және 339-бабымен (сирек кездесетін және жойылу қаупі бар немесе қолдануға тыйым салынған өсімдіктер мен жануарларды, олардың бөліктері мен дериваттарын пайдалану) сотқа дейінгі тергеу амалдарын жүргізуде.
Соңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу