КіруҚАЙТА ТҮЛЕГЕН ФАБРИКА
Дамыған елдерде де, дамушы елдерде де жеңіл өнеркәсіптің маңызы зор. Өйткені ел экономикасының өрге басуында, халықтың әл-ауқатын арттыруда бұл саланың орны бөлек. Әсіресе, әйелдердің арасындағы жұмыссыздықты жоюдың тиімді жолы жеңіл өнеркәсіп саласын дамыту. Сондықтан әлеуметтік-экономикалық маңызы зор бұл саланы қолдауға басымдық берілгені жөн. Мәселен, биылғы жылдың ақпан айында жұмысын бастаған қаладағы «Ягуар» тігін фабрикасынан 20 шақты қыз-келіншек жұмыс тауып үлгерген. Дені орта және орта жастан асқандар. Сондай-ақ басым бөлігі есту-сөйлеу қабілетінен айырылған мүмкіндігі шектеулі жандар.
«Жасыл елдің» киімдері жаңа үлгіде
Берік Әбілқасов бұл фабриканы екінші мәрте ашып, қайта жандандыруда. Өзі бұрын құқық қорғау саласында қызмет еткен екен. Жолдасы да полиция қызметкері болған. Қазіргі уақытта жас шаңырақ иелері отбасылық кәсіптерін дөңгелетуге бел буып кіріскен.
– Полиция қызметінен кеткеннен кейін жеке күзет фирмасында бес жыл басшылық еттім. 2015 жылы өз ісімді бастауға шешім қабылдадым. Әрине, басқа салалар бойынша кәсіп ашуға болар еді. Менің тігін ісіне қызығушылығым жоғары болды. Сондықтан фабрика ашуды қолға алдым. Бірақ, тапсырыстың болмауына байланысты бір жыл ғана жұмыс жасап, шарасыздықтан істі тоқтаттық, – дейді Берік Сәбитұлы.
Фабриканың қажетіне алынған құрал-жабдықтарды кері сатып, жұмысшыларын да таратып жіберді. Алайда, отбасының болашақтағы нәсібін осы саладан ғана көретінін түсініп, араға үш жыл салған соң фабрика жұмысын алғашқы сатыдан қайта бастауға бекінді. 20 млн. теңге шамасында жинағын құйып, көршілес Ресейден құрал-жабдықтарын алып келді. Бұрын өзінің қарауында жасаған тігіншілерге хабарласты. Алғашқыда сүрінгеніне қарамастан, тігінші апалары да оның өтінішін жерге қалдырмай, қайта түлеген фабрикаға оралды. Осындай сенім білдіргендері үшін Беріктің тігіншілеріне ризалығы шексіз. Әрі сенгендері үшін қандай қиындық болмасын бұл істі енді тоқтатпауға бекініп отыр.
Бойына қан жүгірген фабриканың бүгінгі күйі тым тәуір. Алғашқы күннен-ақ жеке кәсіпорындардан арнаулы киімдер үшін тапсырыс алды. Қазіргі уақытта фабрика тігіншілері мемлекеттік тапсырыс негізінде жаңа үлгімен «Жасыл ел» еңбек жасақтарының сарбаздарына киім тігуде.
– Бірнеше үлгісін дайындап, комиссия қарауына ұсынғанбыз. Бізден басқа 4-5 компания өздерінің үлгілерін әкелді. Соның ішінен біздің жасаған үлгімізді таңдап, бекітті. 800 дана киім жинақтамасын бір ай ішінде дайындап тапсыруымыз керек. Бұған мүмкіндігіміз жетеді, – деді ол.
Ягуарлықтар бұған дейін «Металл Инвест», «Юнисерв», «Агрореммаш», «Алаугаз», «Нефтебаза» сынды мекеме-ұйымдардың жұмысшыларына киім тігіп берген. Енді жұмысшылардың арнаулы киімдерімен қатар оқушылардың мектеп формасына тапсырыс қабылдайды. Сондай-ақ матрац, төсек орын жаймаларын да дайындайды.
Толығырақ «Жайық үні-Жизнь города» газетінің 2019 жылдың 20 маусымдағы №24 санында.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу