Кіру«Меломен» тобы: «Киноның басты рөлінде ойнаймыз»
Өнерсүйер тыңдарманға «О махаббат», «Арман шағала», «Келеді кездескім» әндерімен танылған «Меломен» тобы «Қазақконцертпен» бірге Орал өңіріне келген болатын. Осы сәтте шұғыл сұхбаттасудың сәті түсті. Он жылдан бері өнер сахнасында қалықтап, биік белестерді бағындырған әнші жігіттер таяу арада киноға түсетіндерін жеткізді.
– Оралға бұдан 3-4 жыл бұрын өнерде жүрген аға-әпкелерімізге ілесіп келген едік. Биыл киелі шаңырақ «Қазақконцерт» ұжымымен бірге жолымыз түсті. Алтынбек ағамызбен бірге Қаратөбе, Теректі, Сырым аудандарында болдық. Бізді халық ерекше ықыласпен қарсы алды. Әсіресе, қаратөбелік көрерменнің ықыласы ерекше болды. Залда ине шаншар жер болмады. Атақты Ғарифолла туған топырақ қой! Содан шығар, қарапайым жұртшылықтың мәдениеті көріп сүйсіндік. Өнерді түсініп, бағалай білетін киелі өңір екенін анық аңғартты.
– Осы топтан жыл басында Жігердің кеткенін естідік. Сол кезде араларыңызда түсініспеушілік, реніш болғаны рас па? Қазіргі қарым-қатынастарыңыз қалай, түзелді ме? Жігермен араласып тұрасыздар ма?
– Әрине. Жігер өзі жеке әнші болып кетті. Арамыз суыған емес. Барлығы жақсы. Сәлеміміз түзу.
– Енді оның орнына басқа өнерпаз келуі мүмкін бе?
– Жоқ. Біз әрі қарай жұмысымызды трио ретінде жалғастыратын боламыз. Бұл үшеуміздің ортақ шешіміміз.
– Киноға да түсіп үлгерген екенсіңдер. Алдағы уақытта тағы қандай фильмдерден көреміз?
– Жақын күндері продюсеріміз Бауыржан Есебаевтың бастамасымен «Сені ойласам…» атты сегіз сериялы фильм түсірілмек. Сол кинода үшеуміз де басты рөлде ойнайтын боламыз.
- Бәрекелді! Киноға түсіп жүргенде ән жазуды да ұмытпаған шығарсыңдар?
- Ұмытқан жоқпыз. Негізгі шығармашылық жұмысымыз ән шырқап, көрерменнің жүрегіне жол табу ғой. Жақында Бауыржан Есебаевтың сөзі мен әніне жазылған «Тек мені сүй» атты су жаңа әніміз жарыққа шықты. Осы әнге арнайы бейнебаян түсірілді. Осы арада клипмейкер Жеңісханның еңбегі зор. Қазір монтаждау үстінде. Бұл бейнебаян мамыр айының соңында барлық телеарналардан көрсетіледі. Алдағы уақытта Бауыржан ағамыздың басқа да әндерін өмірге әкелуді жоспарлап отырмыз.
– Әндеріңіздің басым бөлігі лирикалық бағытта екен. Топ үшін әнді кім таңдайды?
– Продюсерімізбен бірге таңдаймыз. «Меломеннің» қалыптасқан өз стилі бар. Ол бізді өзге әншілерден ерекшелендіріп тұрады. Сүйіп тыңдайтын тыңдарманымыз бар. Көрерменімізді жоғалтпауға тырысамыз. Бұған қоса, діни бағыттағы және балаларға арналған тақырыпта, патриоттық әндеріміз көп.
Эльмира НҰҒМАНОВА,
«Жайық үні»
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу