КіруІРІҢДІ МЕНИНГИТТЕН 10 АЙЛЫҚ СӘБИ КӨЗ ЖҰМДЫ
Оралда іріңді менингиттен 10 айлық бала ауруханада көз жұмды. Оқиға кеше, 10 маусым күні болған.
– Сәби көпбейінді балалар ауруханасына ауыр жағдайда жеткізілді. Жедел хабарлама бізге 3 маусым күні түсті. Менингитті инфекция қоздырғышы анықталған жоқ. Қойылған диагноз – өткір іріңді менингит. Өкінішке орай, оны аман алып қалудың мүмкіндігі болмады. Кеше, 10 маусым күні бала реанимацияда көз жұмды, – деп жеткізді Батыс Қазақстан облысының тауарлар мен көрсетілетін қызметтердің сапасы мен қауіпсіздігін бақылау департаментінің инфекциялық ауруларды эпидемиологиялық қадағалау бөлімінің басшысы Валентина Кенжеғалиева.
Сала мамандарының айтуынша, облыста менингококк жұқпасының 2 жағдайы есепке алынған. Атап айтқанда, жыл басынан бері 20 жастағы және 9 айлық науқастарда менингококкты инфекцияның генерализацияланған түрі тіркеліп отыр. Бір жағдайда диагноз зертханалық түрде расталып, С тобының менингококк қоздырғышы анықталған. Екінші жағдайда диагноз клиникалық деректер негізінде расталған.
В.Кенжеғалиева менингит түрлі болатынын жеткізді. Мәселен, 10 айлық сәбидің көз жұмуына менингитті инфекцияның қатысы жоқ. Өйткені іріңді менингит бір адамнан екінші адамға жұқпайды. Ал менингитті инфекция ауа-тамшылы жолмен жұғады.
– 20 жасар азамат та, 9 айлық баланың ауруы да мамыр айында тіркелді. Олар қазір аурудан айықты. Екі жағдайда да біз ошақтарда эпидемияға қарсы іс-шаралар кешенін жүргіздік. Олармен байланыста болған адамдар менингококкты инфекцияға бактериологиялық зерттеу жүргізілгенімен, нәтиже теріс болды. Бірақ, қоршаған ортада менингитті инфекцияны тасымалдаушылық бар, – деп түсіндірді Валентина Кенжағалиева.
Сондай-ақ эпидемиологтар менингит бактериологиялық немесе вирусты этиологияда болуы мүмкін екенін айтып, жаз маусымының басталуымен серозды, яғни вирусты менингиттің пайда болу қаупіне назар аудару қажеттігін ескертті. Яғни жуылмаған жеміс-жидектерді пайдалану кезінде, суға түскенде серозды менингитпен сырқаттану ықтималдылығы бар. Менингиттің осы түрінің қоздырушысы – энтеровирус. Күн сәулесінің әсерінен энтеровирус өршіп, адам ағзасына түсуі мүмкін. Иммунитет әлсіз болса ми қабатының қабынуына әкеліп, салдарынан менингитті тудырады.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу