КіруРЕЖИССЕР М.ЖҰМАҒАЛИЕВ: «АР АЗАБЫМЕН» ЕКІ АЙ «АУЫРДЫМ»
20 мамыр күні Орал қаласындағы Х.Бөкеева атындағы облыстық қазақ драма театрында Тасқала аудандық халық театры жазушы, Халықаралық «Алаш» әдеби сыйлығының иегері Мира Шүйіншәлиеваның «Ар азабы» драмасын сахналады. Қойылымның режиссері Мағжан Жұмағалиев осы шығарманы сахнаға қалай дайындалғаны туралы айтып берген еді.
– Ауылымыздағы кітапхана қызметкерлері жаңадан шыққан жақсы кітап бар деп, М.Шүйіншәлиеваның «Ар азабын» ұсынған болатын. Алдымен жолдасым оқыды, одан соң мен танысып шықтым. Оқи отырып, сахнаға шығару туралы ой келді. Толық оқып, мазмұнымен танысқаннан бастап осы шығармамен «ауырдым». Екі ай көлемінде жұмыстанып, үшінші айда сахнаға алып шықтық. Бұл менің алғашқы дайындаған үлкен жұмысым. Әрі бұрын ешкім сахналамаған, жерлесіміздің туындысы болғаннан кейін ықыласым ерекше болды. Рөлдерді бөліп, бас кейіпкер Ғаділбекті өзіме қалдырдым. Қойылымның сәтті шығуына труппаның көп көмегі тиді. Әр дайындықта ойға ой қосып отырды. Ақпан айында Тасқала аудандық Мәдениет үйінде сахналадық. Көрермен бірден жылы қабылдады, жақсы пікірлерін айтты. Біразға дейін ел аузында жүрдік. Кейбір апаларымыз көрген жерде: «Сол кеште көңілім босап, сахнаға шығып рахметімді айта алмадым» деп баталарын берді. «Жақсы сөзге жан сүйсінеді» деген, еңбегіміздің ақталғанына шын қуандық. Облыс орталығына осы пьесамен шақырған кезде абдырап, тосылып қалғанымыз рас. Өйткені рөлдерді ойнайтын әртістердің бәрі бірдей кәсіби актер емес. Әрі шығарма авторының алдында және облыстағы көрерменнің алдында ойнауға жүрексіндік.
Автор бұл туындысында қоғамның шындығын жазып шыққан. Сахнаға шығарғанда ықшамдалғанымен, жазушының әр адамның көкірегін оятардай, жүрегіне жеткізердей етіп жазған өткір сөздерін қысқартпауға тырыстық. Осы қойылымды көргендердің «Біздің баламыз қалай, қайда жүр? Кіммен араласады екен?» деген ой-сезімін оята алсақ – автордың да, біздің де мақсатымыздың орындалғаны. Өмірде болып жатқан жағдайларға бей-жай қарамауымыз керек, – дейді Мағжан Жұмағалиев.
Жазып алған Е.АСХАТҚЫЗЫ
Версия для печати
Соңғы жаңалықтар
Қоғамдық қауіпсіздік жастар көзімен: полиция бастамасындағы пікірсайыс
Оралда өмір бойына жүргізуші куәлігінен айырылған тұрғын қайта көлік басқарған
Әлия ҚАЙЫРЖАНОВА: «БАСТЫ МАҚСАТЫМЫЗ – ОЙЫ ОЗЫҚ ҰРПАҚ ТӘРБИЕЛЕУ…»
Президенттің тапсырмасы бойынша Үкімет «Қазақстан балалары» бірыңғай тұжырымдамасын қабылдады
Қазақстанда балаларды шетелде емдеу қажеттілігін 50%-ға төмендету жоспарлануда
Қазақстанда балалардың құқықтарын қорғау саласындағы реформалар жүзеге асырылуда
📢 Бүгін Конституциялық реформалар жөніндегі комиссияның (Конституциялық комиссия) кезекті отырысы өтеді
Бүгін Конституциялық реформалар жөніндегі комиссияның (Конституциялық комиссия) алғашқы отырысы өтеді
Президент Қысқы Олимпиада ойындары мен Паралимпиадаға қатысатын ұлттық құрама мүшелеріне Мемлекеттік туды тапсырды
Қорғаныс министрлігінде Ұлттық құрылтай идеялары аясындағы міндеттер айқындалды
Голан биіктіктеріндегі миссия: қазақстандық саперлар 1200-ден астам жарылғыш затты жойды
Президент тапсырмаларын жүзеге асыру: Елімізде жаңа төрт фармацевтикалық зауыт салынады
Президент тапсырмалары бұған дейін жарияланған ауқымды саяси реформаның жалғасы болды — Олжас Бектенов
Қызылордада Мемлекет басшысы Қасым-Жомарт Тоқаевтың төрағалығымен Ұлттық құрылтайдың V отырысы басталды
61-ші Венеция биенналесінде Қазақстанды «ҚОҢЫР: архив үні» жобасы таныстырады
Әлеуметтік желілерде таралып жатқан екінші деңгейдегі банктердегі кредиттердің есептен шығарылатыны туралы ақпарат шындыққа сәйкес келмейді.
Орал қаласында жұмысқа орналастыру сылтауымен алаяқтық жасады деген күдікпен ер адам ұсталды
Пікір үстеу