КіруӘШІРДІҢ ӘНДЕРІН ӘУЕЛЕТТІ
12 сәуір күні Орал қаласы «Nur Otan» залында Әшір Молдағайыновтың шығармаларын орындаушылар арасындағы ІІ республикалық вокалистер конкурсының жеңімпаздары марапатталды. Марапаттау шарасы композитордың зайыбы, ҚР еңбек сіңірген артисі Жұмағаным Рахимованың «Көктем келді өлеңдетіп» атты концертімен жалғасты.
Әнші, композитор Әшір Молдағайынов өмірінің соңына дейін қазақ музыка өнерін насихаттауда абыройлы қызмет атқарды. 1993 жылы Ғ.Құрманғалиев атындағы филармонияға әнші болып орналасқан өнер иесінің Батыс Қазақстан өңірі мәдениетінің көркеюіне де қосқан үлесі зор. Әшір ағамыз көшбасшы, көркемдік жетекші ретінде Ақ Жайықтың ән әлемінде өзіндік қолтаңбасын қалдырды. Бүгінде оның 300-дей туындысы белгілі болса, бірқатары Жайық жерінде дүниеге келген. Бұл ретте «Жайық таңы» және «Нарын гүлі» атты симфониялық поэмаларын ерекше атап өтуге болады. Сонымен бірге Жұбан Молдағалиев, Қадыр Мырза Әлі, Ақұштап Бақтыгереева, Жанғали Набиуллин, Айтқали Нәріков, Ғайсағали Сейтақ және Ботагөз Баймұқанованың поэзиясы оның шығармашылық шабытына дем беріп, қырықтан аса ән мен романс жазылды.
Әнші-композитордың есімін ұлықтау, шығармашылығын насихаттау мақсатында Батыс Қазақстан облысының әкімдігі облыстық мәдениет басқармасының қолдауымен өзі еңбек еткен киелі шаңырақ Ғ.Құрманғалиев атындағы облыстық филармониясы 2017 жылы Әшір Молдағайыновтың шығармаларын орындаушылар арасында республикалық вокалистер конкурсын ұйымдастыруды қолға алған болатын. Араға екі жыл салып, биыл екінші мәрте республиканың әр түкпірінен жиналған 18 үміткер Жайық жерінде бас қосып, композитордың шығармаларын орындаудан бақтарын сынады. Қатысушылар XIX-ХХ ғасырлардағы Батыс Еуропалық, орыс, қазақ композиторлардың операсынан толық арияларын, Әшір ағамыздың романсын және шығармаларын әуелетті.
Байқау жеңімпаздары мен жүлдегерлері жас ерекшеліктеріне қарай екі топ бойынша анықталды.
Кіші топ, яғни 18-22 жас аралығында Жезқазған қаласынан келген Айбек Абдышимұлы бас жүлдені иеленді.
Бірінші орын ақтөбелік Нұржайнар Әбілхайыроваға, екінші орын Нұр-Сұлтан қаласынан Талғат Аллабiрiновке, үшінші орын шымкенттік Аян Төлеген мен атыраулық Әділ Сұлтанға берілді.
Үлкен топ, 23-27 жас аралығында Қызылорда қаласынан Гүлназ Нағашыбай – бірінші, Нұр-Сұлтан қаласынан Бибігүл Тыныштық – екінші, Орал қаласынан Ақбота Молдағайынова мен Нұр-Сұлтан қаласынан келген Жадыра Абдуллаева – үшінші орынды иемденді.
Қызылорда қаласынан келген Руслан Рызманов, Түркістан қаласынан Мұхтар Ромашов, Семей қаласынан Думан Бақбергенов, Алматы қаласынан Жанна Тынқанова, Өскемен қаласынан Ботагөз Жұмабекова, алматылық Дияр Нұрсұлтанов дипломант атанды. Әділғазы Меңдіғали Алғыс хат және «Вокал Академиясы» РҚБ атынан арнайы жүлдеге ие болды.
Шараның одан әрі жалғастырған өлкеміздің бұлбұл әншісі, табиғи талантымен талай жұртшылықты тамсандырған, ҚР Еңбек сіңірген артисі Жұмағаным Рахимованың «Көктем келді өлеңдетіп» концертін көпшілік көтеріңкі көңілмен тыңдап, зор құрмет-қошеметтерін көрсетті.
Кеште Батыс Қазақстан облысы мәдениет басқармасының басшысы Қадырболат Мұсағалиев Жұмағаным Әбдіхалыққызына облыс әкімінің Алғыс хатын табыс етті. Осы кешке қатысқан ҚР еңбек сіңірген қайраткері, Мемлекеттік «Дарын» сыйлығының лауреаты, профессор Азамат Жылтыркөзов «Вокал Академиясы» Республикалық қоғамдық бірлестігі атынан алғыс xат ұсынды.
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу