Кіру10 МЫҢ БАТЫСҚАЗАҚСТАНДЫҚ ЛАТЫН ӘЛІПБИІМЕН ДИКТАНТ ЖАЗДЫ
Елбасы Н.Назарбаевтың «Болашаққа бағдар: рухани жаңғыру» бағдарламалық мақаласының жарияланғанына екі жыл толуына орай БҚО тілдерді дамыту басқармасының бастамасымен бүгін өңірде латын әліпбиімен жалпыхалықтық диктант жазу шарасы ұйымдастырылды.
Басқарманың мәліметінше, бұл шараға ниет білдірген облыс орталығы мен аудандардан мемлекеттік қызметкерлер, құқық қорғау саласы қызметкерлері, мұғалімдер, оқу орындары студенттері мен жоғары сынып оқушыларынан 10 мыңға жуық тұрғын қатысқан. Диктант жазуға «Ұлы даланың жеті қыры» мақаласынан алынған «Ұлы дала өркениеті» тақырыбындағы мәтін ұсынылды.
Орал қаласы әкімдігінде өткізілген диктант жазуға 100-ге жуық мемлекеттік қызметші қатысты.
– 2025 жылға дейін кезең-кезеңімен латын қарпіне көшу міндеті қойылған болатын. Бұл шара – латын қарпіне көшу туралы бекітілген іс-шаралар жоспары аясында мемлекеттік қызметшілердің біліктілік деңгейлерін, соның ішінде хат жазу, іс-қағаздарын жүргізудегі дайындықтарын арттыруға бағытталды, – дейді қалалық мәдениет және тілдерді дамыту бөлімінің басшысы Қуанышбек Мұқанғалиев.
Сондай-ақ бұл күні БҚО Полиция департаментінің 50 қызметкері диктант жазу арқылы жаңа әліпбиді меңгеру деңгейлерін бағамдады. БҚО ПД ішкі және сыртқы коммуникациялар бөлімінің бас маманы Жазира Кенжееваның айтуынша, полицейлердің көпшілігі и мен і және у мен ы әріптерін жазуда қателескен. Дегенмен, тәртіп сақшылары диктант жазу аса қиындық тудырмағанын айтады.
Атап өту керек, латын әліпбиіне негізделген жалпыхалықтық диктант облысымызда екінші мәрте ұйымдастырылды. Өткен жылы өткен республикалық диктант жазу шарасына 100 мыңдай облыс тұрғыны қатысқан болатын.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу