КіруОРАЛДАҒЫ ДОСТЫҚ-ДРУЖБА ДАҢҒЫЛЫ НҰРСҰЛТАН НАЗАРБАЕВ ДАҢҒЫЛЫ БОЛЫП ӨЗГЕРДІ
Бүгін Орал қалалық мәслихатының кезектен тыс ХХХ сессиясының күн тәртібіне сай депутаттар 2019 жылғы 20 наурыздағы Қазақстан Республикасы Президенті Қасым-Жомарт Тоқаевтың тікелей эфирдегі ұсынысына және қала әкімдігінің ұсынысына сәйкес қаладағы Достық-Дружба даңғылын Тұңғыш Президент Нұрсұлтан Назарбаев даңғылы деп атау туралы шешімді қолдап, бірауыздан бекітті.
Сессия жұмысына қала әкімі Мұрат Мұқаев, құрылымдық бөлімше басшылары және депутаттар қатысты. Сессия төрағасы қалалық мәслихат хатшысы Аққали Әубекеровтың мәлімдеуінше, бұл ұсыныс алдымен қалалық мәслихаттың нормативтік құқықтық мәселелер және жұртшылықпен байланыс жөніндегі тұрақты комиссия отырысында кеңінен талқыланып, тұрғындар тарапынан қолдау тапқан.
Қалалық мәслихаттың нормативтік құқықтық мәселелер және жұртшылықпен байланыс жөніндегі тұрақты комиссия төрағасы Амангелді Ермекқалиев Нұрсұлтан Әбішұлының елі үшін сіңірген толассыз еңбегін айта келіп, бүгін М.Өтемісов атындағы БҚМУ-да өткен жиында шаһардағы басты көшенің атауын кемеңгер тұлғаның атына өзгерту туралы ұсынысты оқу орнының оқытушылары мен студенттері, қала тұрғындары жаппай қолдап, жылы пікірлерін білдіргенін жеткізді. Жиында сөз алған қалалық Қоғамдық кеңес төрағасы Бақытжан Нұрбаев, қалалық мәслихат депутаттары Валентина Михно, Әнуар Мұқатаев Тәуелсіз қазақ мемлекетінің іргетасын қалаған Ұлы тұлға Нұрсұлтан Назарбаевтың есімі татулық пен тұрақтылықтың негізі болған Достық-Дружба даңғылына әбден лайық екенін айтты.
– Өздеріңізге белгілі, кеше, 19 наурыз күні Елбасы, Қазақстан Республикасының Тұңғыш Президенті Нұрсұлтан Әбішұлы Назарбаев өз өкілеттілігін тоқтатқан болатын. Әрине, бұл баршамыз үшін күтпеген жағдай болды. Конституцияға сәйкес, қазіргі таңдағы Мемлекет басшысы Қасым-Жомарт Тоқаев қос палатаның бірлескен отырысында қалалардағы, облыс орталықтарындағы ең көлемді даңғылдарға Тұңғыш Президент атын беру туралы ұсынысын жариялаған болатын. Сол ұсынысты біз қолдай отырып, қалалық қоғамдық кеңеспен, қалалық мәслихат депутаттарымен, аталмыш көше тұрғындарымен бірлескен жиын өткіздік. Бұл ұсынысты тұрғындар толық құптады. Тұңғыш Президентіміздің елі үшін еңсерген еселі істерін, қазақ елін әлемнің 50 дамыған мемлекетінің қатарына қосу жолындағы орасан зор еңбегін білесіздер. Сондықтан Достық-Дружба даңғылын Нұрсұлтан Назарбаев даңғылы деп атауды ұсынып отырмыз, –деді сессия отырысын қорытындылаған қала әкімі Мұрат Мұқаев.
Депутаттар жиында талқыланған мәселені толық құптап, бекітті.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу