КіруБҚО-ДА 406 АДАМ ҚАР ҚҰРСАУЫНАН ҚҰТҚАРЫЛДЫ
БҚО құтқарушылары өткен демалыс күндері қар құрсауынан 406 адамды құтқарды.
«Қазгидромет» РМК мәлімдегендей облыстың кейбір аудандарында биылғы жылы қардың биіктігі орташа көпжылдық мәннен 1,5 еседен 3 есеге дейін жоғары. 2019 жылдың басынан бастап облыста 19 дауылды (қатты желді) алдын ала ескерту жарияланды, Батыс Қазақстан облысының аумағында жиі болатын бұрқасындар мен борандарға байланысты қардың көптеп жаууы салдарынан 97 рет жол жабылды.
Осыған байланысты, құтқарушылар қар құрсауында қалған азаматтарды құтқару үшін жиі шығады. Мәселен, жылдың басынан бері 1327 адам құтқарылды, 221 адам эвакуацияланып, 523 автокөлік сүйреп шығарылды.
Соңғы 3 күнде азаматтарды және техниканы қардан құтқару бойынша авариялық-құтқару жұмыстары Тасқала, Қаратөбе, Бөрлі, Сырым және Теректі аудандарында жүргізілді. Әсіресе, көптеген құтқару жағдайлары Тасқала ауданында тіркелген.
Мәселен, 1 және 2 наурызда Тасқала ауданында Батыс Қазақстан облысы ТЖД, жергілікті атқарушы органдар, «ҚазАвтодор» ЖШС күштері арқылы қар құрсауынан 332 адам құтқарылды, 6 адам эвакуацияланды. Облыс бойынша өткен 3 күн ішінде барлығы 406 адам құтқарылып, 114 автомашина қалың қардан шығарылды.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу