Кіру«ТЕРГЕУШІНІ ҚАРАЛАП, ҚАЗАҚСТАН ПОЛИЦИЯСЫНЫҢ ИМИДЖІНЕ КІР КЕЛТІРДІ»
БҚО Полиция департаменті «abai.kz» сайтында жарияланған Батыс Қазақстан облысының тұрғыны Т.Қатауовтың «Мені Оралдың полицейлері «тонады» атты мақаласын теріске шығарып, істің қалай өрбігенін жария етті.
2019 жылғы 11 ақпанда «abai.kz» сайтында Батыс Қазақстан облысының тұрғыны Т.Катауовтың полиция қызметкерлерінің құқыққа қайшы әрекеттері туралы «Мені Оралдың полицейлері «тонады» деген атаумен мақаласы жарияланған. Осы мақалада атап көрсетілген факті бойынша БҚО полиция департаменті түсініктеме беріп, Т.Қатауовтың тергеушіні негзісіз қаралағанын мәлімдеді.
«Орал қаласының тұрғыны Талғат Қатауов 2019 жылғы 06 қаңтарда ғаламтордың әлеуметтік желісі арқылы ашық түрдегі жеке парақшасында «Қарағандыдағы қазағымның бас көтеруі халықтың үміт отын жақты» деп ашық хат қалдырған. Осы жазылған ақпаратты әлеуметтік желінің кез келген қолданушысының еркін түрде оқуға мүмкіндігі бар.
Аталған факті бойынша 2019 жылғы 11 қаңтарда Орал қаласының Полиция басқармасында Қазақстан Республикасы Қылмыстық кодексінің 174-бабы 1-бөлігімен (Әлеуметтік, ұлттық, рулық, нәсілдік, тектік-топтық немесе діни алауыздықты қоздыру) сотқа дейінгі тергеп-тексеру амалдары басталды.
Жоғарыда аталған қылмыстық іс бойынша Қылмыстық-процестік кодекстің 78-бабы 6-бөлігінің негізінде Талғат Қатауовтан қорғануға құқығы бар куә ретінде жауап алу үшін Орал қаласы Полиция басқармасының тергеушісі Ардақ Габдуллина оны ішкі істер органдарына жеткізу туралы жеке тапсырма шығарды.
Осы тапсырманың негізінде анықтау органының қызметкері Талғат Қатауовты 2019 жылғы 9 ақпанда Орал қаласындағы теміржол вокзалында тоқтатып, оған құқықтары мен міндеттерін түсіндіріп, қылмыстық іс бойынша қорғануға құқығы бар куә ретінде тергеу іс-әрекетіне қатысу үшін тергеушіге жеткізген.
Сол сәтте Т.Қатауов өзіне тиесілі 2 ұялы телефонын өзімен бірге бір вагонда келген туысқаны Р.Абденовке бергенін полиция қызметкерлері байқап қалған. Сол себепті туысқаны Р.Абденов те Орал қалалық полиция басқармасына жеткізілген.
Тергеуші А.Габдуллина Р.Абденовтен жауап алу кезінде ол 2 ұялы телефон Т.Қатауовқа тиесілі екенін, пойыздан түскеннен кейін бергенін, «кейін аламын» дегенін мәлімдеген.
Тергеуші Қазақстан Республикасы Қылмыстық-процестік кодексінің талаптарына сәйкес Т.Қатауовтың ұялы телефондарын оның туысқаны Р.Абденовтен алған, бұл туралы хаттама толтырған, туысқаны Р.Абденов ақша немесе өзге де құнды заттар болмағанын растап, хаттамаға қол қойған, тергеуші қаулы шығарған. Сондықтан Т.Қатауовтың тергеушіні қаралауын негізсіз деп санаймыз. Бұл ретте тергеушінің әрекеті заңды түрде жүргізілген. Осы тергеу әрекеттерін жүргізу барысы фото-аудио-бейне жазбаға түсірілді. Ұялы телефондарды алу процесін жүргізу тергеушінің қызметтік кабинетінде Р.Абденовтің қатысуымен іске асырылды. Қызметтік кабинет бейне бақылау жүйесімен жабдықталған. Аталған тергеу іс-әрекеттері бейнежазбада сақталған.
Бұл ретте Т.Қатауов полиция қызметкеріне еш дәлелсіз жала жауып, жалпы Қазақстан полициясының имиджіне кір келтіріп, қоғам тарапынан құқық қорғау органдарының атына негізсіз сын айтылуына ықпал етті» делінген БҚО Полиция департаменті баспасөз қызметінің хабарламасында.
Сондай-ақ жоғарыда көрсетілген деректерді келтіре отырып, БҚО ПД «abai.kz» сайтынан Т.Қатауовтың «Мені Оралдың полицейлері «тонады» деген атаумен жарияланған мақаласындағы ақпараттардың негізсіз болуына байланысты бұл мақаланы жоққа шығарып, тергеуші А.Габдуллинаның жүргізген тергеу әрекетінің заңды екенін қайта жариялауды сұрап отыр.
«Жайық үні»
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу