Кіру«ҚЫЗҒАЛДАҚТАРҒА» ҚИМАСТЫҚ БІЛДІРДІ
ҚР Президенті Нұрсұлтан Назарбаев Астана қаласындағы өрт салдарынан қаза болған балалардың ата-анасы мен туысқандарына көңіл айтты. Барша қазақстандықтар да отқа оранып, жантүршігерлік жағдайда періштелерді ажал құштырған қайғыға ортақ екенін білдіруде. 30 шаршы метр аумақты қамтыған жалын 2006, 2008, 2013, 2015 және 2018 жылы туған балалардың өмірін қиғаны елді дүр сілкінтті. 5 ақпан күні елордалықтар жұмылып, бес баланы ақтық сапарға шығарып салды. Осы қаралы жағдайға орай, оралдықтар да кеше Ситерлердің отбасына қайғырып көңіл айту үшін «Үш батыр қыз» алаңында бас қосты.
Қоғамдық ұйым өкілдері, зиялы қауым, ата-аналар, жастар, жалпы жамағат бақи болған бүлдіршіндердің суреттеріне гүл шоқтарын қойып, 1 минуттық үнсіздікпен аза тұтты. Сәбилердің жаны жәннатта болуын тілеп, Құран оқытты.
БҚО Қазақстан халқы Ассамблеясы Аналар кеңесінің төрайымы Шалқыма Құрманалина елімізде енді мұндай қасіреттің қайталанбауын, ел-жұртты көлденеңнен келген қазадан сақтауды тіледі.
– Бір түнде бес баласынан айырылған ата-ананың жай-күйін түсіну өте қиын. «Қаза айтып келмейді» дейді. Дегенмен, бұл өте ауыр жағдай. Әр ата-ана бар тапқанын балаларының аузына тосып, өмір сүреді. Солар үшін еңбек етеді. Мемлекет тарапынан ана мен балаға қандай көмек көрсетіліп, қамқорлық жасалып жатқанын білеміз. Бірақ, қоғамда әлеуметтік тұрмысы төмен отбасылардың бар екені рас. Оның үстіне тілсіз жаудың көлденең келуінен балғындардың қаза табуы – Ситер жанұясына тікелей келген қасірет деп білеміз және бұл елдің қазасы! Сондықтан қазаның арты қайыр болсын айтып, барынша қолдау көрсетейік, – деген Шалқыма Хайроллақызы батысқазақстандық аналарды, қайғыға ортақ жандарды балапандарынан айырылған отбасына қаржылай көмектесуге шақырды.
«Сақтансаң, сақтармын» дегендей, «Ақ Отау» отбасы орталығы» ҚБ төрайымы Алтынай Исқалиева бұл жағдай әркімге сабақ болуы керектігін айтып өтті.
– Алды мектепте ғана оқитын, әлі өмір көрмеген сәбилердің өлімі әр ананың қабырғасын қайыстырды. Жүрегіміз жылап тұр. Бұл жағдайдың орын алуына не себеп деген сұрақ кім-кімді де ойландыруы тиіс. Қайталанбауы үшін осы оқиғадан сабақ алуымыз керек. Үкімет те шешім шығарады деп ойлаймыз. Әрқайсымыздың отбасымыз, бауырларымыз бар. Үнемі қарайласып, бір-бірімізді қамқорлап жүру – бірінші кезектегі міндетіміз болуы тиіс, – деді А.Исқалиева.
Жастар атынан Дулат Жүсіпқалиев, үш баланың анасы Жеміс Имашева сөз алып, қайғыға ортақ екендіктерін білдірді.
Түйін: «Үш батыр қыздың» ескерткіші алдына жиналған халық көз жастарына ерік беріп, көңілдерін босатты. Ел-жұрт осылайша еске алып, Ситерлердің отбасына түскен қайғыны халық болып бірге көтеруде. Бірақ, бес баланың орнын қайтып толтыра алмасы анық. «Өрт – тілсіз жау» дегендей, өзекті өртейтін жағдай қайталанбауы үшін барлық құзырлы органдар жұмысты жауапкершілікпен атқаруы тиіс.
Елмұра АСХАТҚЫЗЫ
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу