Кіру«ҚАЗИИТУ»-ДА ТЫҢ БАСТАМАЛАРДЫ ЖҮЗЕГЕ АСЫРУҒА ҚҰМАР ЖАСТАР КӨП
Арайлым АЙТҚАЛИЕВА, Қазақстан инновациялық және телекоммуникациялық жүйелер университетінің студенттік ректоры:
– Бүгін біз үшін ерекше күн болды. Таңсәріден «ҚазИИТУ» жастары, оқытушы-ғалымдар, декандар, кафедра меңгерушілері Студенттер сарайында бас қостық. Оқу орны жанындағы зәулім ғимаратта Мемлекет басшысының Жастар жылын ашқан сәтін тікелей эфирде тамашаладық. Елбасының жарқын бастамалары жастарды бір серпілтіп, бойына жігер сыйлағандай, әр сөзін ұйып тыңдадық. Cебебі Көшбасшымыздың еліміздің болашағы – жастарға айрықша көңіл бөліп, зор сенім артуы қоғамның ауызбірлігін еселеп арттырды.
Елбасының үнемі жастарды қолдап, біздің саясатымызды дамытуды көздейтіні бекер емес. Ал «Жастар жылы» не атқарылуы тиіс? Қандай түйткілге басымдық берген абзал? Әсіресе, жастар арасында жұмыссыздық деңгейін төмендетуге байланысты іс-шаралар қолға алынып, нақты нәтижеге қол жетеді. Олардың бос сенделіп жүрмеуі үшін мемлекет тиімді бағдарламалар қабылдады. «Жастарға әлеуметтік қолдау көрсету әрбір жас буынға серпіліс берді. Олардың білім алып, білікті маман атануына жағдай жасау мәселесі де сөз болды. Елбасы бізге сенім артып отыр, ал біз осы үдеден шығуымыз керек. «ҚазИИТУ-да» тың бастамаларды жүзеге асыруға құмар жастар көп. Түрлі идеялар ойлап тауып, қай істе де көш басында келеміз. Соңғы инновациялық технологияларды пайдалану арқылы жобалар ұсынып жүргендері де баршылық. Ғылымды дамытамыз десек, әуелі инновациялық жобаларды мақұлдау қажет. «Жастар жылы» жағымды жаңалықтарға толы болғай.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу