КіруҚоғамдық қауіпсіздік жастар көзімен: полиция бастамасындағы пікірсайыс
Орал қаласындағы Оқушылар сарайында өткен «Жастар арасындағы қоғамдық қауіпсіздік» тақырыбындағы дебат турнирі қатысушыларына ерекше әсер қалдырды. «Заң мен Тәртіп» қағидасы аясында ұйымдастырылған іс-шара жасөспірімдерді толғандыратын өзекті мәселелерді ашық әрі батыл талқылауға мүмкіндік берді.
Пікірсайыс алаңында мектеп оқушылары көрермен рөлінде емес, қоғамның белсенді мүшесі ретінде көрінді. Буллинг пен кибербуллинг, тұрмыстық зорлық-зомбылық, жасөспірімдер қауіпсіздігі сынды күрделі тақырыптар қызу пікірталас тудырды. Әр аргумент – салмақты ой, әр сөз – жауапкершілікке толы болды.
Турнир барысында іс-шараның маңыздылығына Батыс Қазақстан облысы Полиция департаменті Қоғамдық қауіпсіздік басқармасының бастығы, полиция подполковнигі Олжас Ибрайымов қатысып, жастардың құқықтық сауаттылығын арттыру мен қоғамдық қауіпсіздікті қамтамасыз етудегі мұндай пікірсайыстардың рөліне тоқталып, өз пікірін білдірді.
Орал қалалық білім беру бөлімі мен Полиция департаментінің бірлескен бастамасымен өткен турнирге қала мектептерінен 8–11 сыныпта оқитын 48 оқушы, яғни 24 команда қатысты. Бұл күні жастардың құқықтық сауаттылығы, сыни ойлау қабілеті мен азаматтық ұстанымы нағыз пікірталас арқылы сыналды.
Аталған дебат турнирі жеңіс пен ұпай үшін ғана емес, заңға құрметпен қарап, қоғамдық тәртіпке бейжай қарамайтын жаңа буынның бар екенін айқын көрсетті.
Тартысты ойын нәтижесінде:
I орын – Sirius-A,
II орын – Қара шаңырақ,
III орын – JDX және Грин флагтар командалары иеленді.
Сонымен қатар турнир қорытындысы бойынша «Үздік төреші», «Үздік сарапшы» және «Үздік аналитик» номинациялары анықталып, иегерлері марапатталды.
Жеңімпаздар мен жүлдегерлер Полиция департаменті атынан арнайы кубоктармен, медальдармен, дипломдар және сертификаттармен марапатталды.
БҚО ПД баспасөз қызметі
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
