КіруҚару-жарақтың толық арсеналы тәркіленді
Орал қаласының тұрғынынан Калашников автоматы, тапаншалар мен олардың патрондары табылып, тәркіленді. Күдіктіден қаруларды қандай мақсатта жинағанын және қайдан алғаны бойынша тергеу амалдары жүргізілуде.Қауіпті олжаны 6-шы қыркүйекте БҚО ПД Экстремизмге қарсы күрес басқармасы қызметкерлері БҚО ПД Жедел әрекет етудің арнайы жасағының қолдауымен «Учаске» жедел алдын алу іс – шарасы аясында қызмет көрсетілетін әкімшілік учаскелерде құқық бұзушылықтар мен қылмыстардың алдын алу бойынша шараларды күшейту мақсатында анықталды. Мемлекет басшысы өз Жолдауында ұйымдасқан қылмысқа қарсы күресті күшейту қажеттілігіне баса назар аударды. Президенттің тапсырмасын орындау мақсатында БҚО Полиция департаменті күдікті тұлғаларды анықтау бойынша нақты жедел жұмыс жүргізуде. Мәселен, “Волна” саяжай қоғамында тұратын 1970 жылғы “Г” есімді азаматтың тұрғылықты жерін тексеру барысында «АК-47» автоматы, 5 патрондары бар АК-47 тапанша, 7/62 калибрлі АК-47 тапанша, 1944 жылғы «Наган» оқпаны жоқ револьвер, «Револьвер» сериясы жоқ, 9/19 калибрлі ПМ тапанша, 7, 62х39 мм калибрлі патрондар – 198 дана; 5, 45х79мм калибрлі патрондар – 20 дана, 9х18мм калибрлі патрондар – 6 дана, сондай-ақ кісендер табылып,тәркіленді.
Қарудың барлық түрлері бойынша баллистикалық сараптама тағайындалды. Ұсталған азаматқа қатысты ҚК-нің 287-бабы 3-бөлігі бойынша сотқа дейінгі тергеу басталды .
Айнара ИСА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу