КіруҚателік кімнен кетті?
Орал қаласы дене шынықтыру және спорт бөлімі «BLS GROUP» ЖШС-мен шарт жасап, бұдан біраз уақыт бұрын бір көзден 2,2 млн. теңгеге спорттық костюм сатып алған. Бірақ өнім берушінің тауарға авторлық құқықтары жоқ,- дейді «Әділдік жолы» кеңсесінің заңгері Бауыржан Ахметжан.
«Әділдік жолы» республикалық қоғамдық бірлестігінің Орал қаласы филиалының өкілі Бауыржан Ахметжан goszakup.gov.kz порталына мониторинг жүргізіп, БҚО спорт басқармасы мен Орал қалалық спорт бөлімінің заңбұзушылық жасағанын хабарлады. Оның мәліметі бойынша облыстық дене шынықтыру және спорт басқармасы мен «Мамыт» ЖК «Мемлекеттік сатып алу туралы» Заңының 39-бабы 3-тармағы 3-тармақшасы бойынша 200 спорттық киім тігуе тапсырыс беріп, оны 7,8 млн теңгеге сатып алу туралы шарт жасасқан. Ал қалалық дене шынықтыру және спорт бөлімі «BLS GROUP» ЖШС-дан 2,2 млн теңгеге 75 костюм сатып алған. «Әділдік жолының» өкілі өнім берушінің тауарға қатысты айрықша авторлық құқы жоқ, оған gosreestr.kazpatent.kz сайты дәлел деп санайды. «Мемлекеттік сатып алу туралы» заң бойынша бренд тауарларды сатуға айрықша құқы жоқ өнім берушілермен мемлекеттік сатып алу бойынша бір көзден алу тәсілі арқылы шарт жасауға болмайды. Бауыржан Зәкиұлының мәліметінше, мемлекеттік ішкі аудит департаменті аталған мекемелердің заңсыз шарт жасағанын растаған. Қоғам белсендісі енді екі басшыға әкімшілік айыппұл салынатынын хабарлаған. Осы мәселеге қатысты қалалық спорт және дене шынықтыру бөлімінің басшысы Артур Шерғалиев БАҚ өкілдерін жинап, адвокаттың мәлімдемесін жоққа шығарды. Мемлекеттік қызметкердің мәліметінше, барлық құжаттар заңды. Және «BLS GROUP» ЖШС «Қазақстанда жасалған» брендімен олимпиада жүлдегерлері мен спорттық шараларға қатысушыларға арнайы спорттық киімдерді тігіп жүрген қазақстандық компания. – «Әділдік жолының» таққан айыбымен келіспеймін. Бұған қатысты әкімшілік сот шешімі шыққан жоқ. Мемлекеттік ішкі аудит департаментін шақыртып, акт құжатына қол қойдырту керек. Департамент мамандары әлі тексеріс жүргізбеді. Менің заң талабын бұзғанымды сот қана шешеді. «BLS GROUP» – өзіндік сән үлгісімен ересектер мен балаларға киім тігетін отандық өндіруші. Осы ЖШС олимпиада, универсиада және чемпионаттарға арнап еліміздің спортшыларын жабдықтаумен айналысады. Компания спорттық киімдер тігуге байланысты халықаралық лицензия алған. «BLS GROUP-тың» сапалы өнім дайындауға авторлық құқығы бар. Дәлел ретінде отандық компанияның құжаттар пакеті қолымда бар. Айта кетейін, мамыр айында Батыс Қазақстан облысының VII Халық спорты ойындарында жалпыкомандалық есепте жаңа спорттық киім-кешекпен жабдықталған Орал қаласының командасы бірінші орын алып, Қостанай қаласында өтетін республикалық спартакиадаға жолдаманы жеңіп алдық, – деді Артур Шерғалиев. Брифинг кезінде «BLS GROUP» заңгері компания құжаты түгел екенін, мемлекеттік сатып алу заң аясында жүргізілгенін хабарлады және онлайн-байланыс арқылы киім тігу цехын көрсетті. Бұл даудың нүктесін сот құрылымы ғана қоймақ.
Естеріңізге сала кетеміз, ел аумағында кез келген азаматтың сыбайлас жемқорлыққа қарсы іс-қимылға өз үлесін қосуға және мемлекетік сатып алу сайтына мониторинг жасауға толық құқығы бар.
Айнара ИСА
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу