КіруОРАЛ ҚАЛАСЫНДА ТҰҢҒЫШ ПРЕЗИДЕНТ КҮНІНЕ АРНАЛҒАН МЕРЕКЕЛІК КОНЦЕРТ ӨТТІ
1 желтоқсан – ҚР Тұңғыш Президент күніне орай Орал қаласында «Елін сүйген, елі сүйген – Елбасы» атты Ұлт көшбасшысы Нұрсұлтан Әбішұлының өмір жолына арналған мерекелік концерт өтті. Қала әкімі Абат Шыныбеков тұрғындарды атаулы мейраммен құттықтады. Сондай-ақ ардагерлер мен Ел Тәуелсіздігінің 30 жылдығына орайластырылған «30 жұлдызды күн» шаралары аясында сурет көрмелерін ұсынған фотосуретшілерге алғыс хаттар табыс етті.
Жастар мәдениет үйінде ұйымдастырылған шара «Ұлт көшбасшысы – ұлы тұлға» видеокөрінісімен ашылды. Тарих толқынында тереңдік пен кемелдік танытып, тәуелсіздіктің көкбайрағын желбіретіп, мемлекеттімізді нұрлы жолға бастай білген Елбасы Н.Ә.Назарбаевтың ерен еңбегі мазмұндалған видеоүзіктен соң қала басшысы Абат Шыныбеков ел тарихында айтулы күн, маңызды дата ретінде белгіленген – Тұңғыш Президент күніне орай құттықтауын жеткізді.
– Егемендіктің елең-алаңындағы 1991 жылдың әрбір күні ұлт тарихындағы аса маңызды парақтармен қатталғаны белгілі. Соның ішінде 1 желтоқсанда Қазақстан халқының тұңғыш рет өз Елбасын, Президентін сайлауы үлкен өзгеріске бастаған қадам ретінде тарихқа жазылды. Бұл күн – қазақ халқының алғаш рет еркін білдіріп, өз билігін өзі таңдап, дербестігін демократиялық сайлау арқылы мақұлдаған күн. Тәуелсіз Қазақстанымыздың өркендеп дамуында Тұңғыш Президентіміз, Елбасымыз Нұрсұлтан Әбішұлы Назарбаевтың рөлі айрықша маңызға ие. Бүкіл әлемге Қазақстанды танытты, қазақстандықтардың әл-ауқатын жақсарту жолында тынбай еңбек етті. Ең бастысы Елбасымыздың сындарлы саясаттың нәтижесінде осы 30 жылдың ішінде Тәуелсіз Қазақстанда – ашық аспан, бейбіт өмірде әр азамат өзінің алдына қойған мақсаттары мен арман-тілегін жүзеге асыруға мүмкіндік алғаны баршаға аян. Нұрсұлтан Әбішұлы елмен бірге дамыған Ақ Жайық өңірінің, соның ішінде облыс орталығы – Орал қаласының өркендеуіне мән беріп, «Орал – еліміздегі ең таза әрі жасыл қала» деп бағалады. Әр келген сапарында өңір тұрғындарымен жүздесіп, әлеуметтік-экономикалық даму көкжиегіне айрықша зер салды. Тұңғыш Президент күні – бүкіл қазақстандықтар үшін ерекше күн. Осы мерекеде Ұлт көшбасшысын ұлықтап, Тәуелсіз қазақ елінің қарыштап дамуындағы еселі еңбегін дәріптеуіміздің маңызы зор, – деді Абат Абайұлы. Сондай-ақ Тәуелсіздік жылдары Қазақсанның дамуы мен өркендеуіне қосқан елеулі үлестері үшін еңбек ардагерлеріне алғыс хат табыс етті.
Атап айтқанда, қалалық ардагерлер кеңесінің төрағасы М.Әнесов, қалалық ардагерлер кеңесі төрағасының орынбасары О.Исаева және президиум мүшелері С.Мусина, Ә.Керейтегі, В.Чапурова, Ж.Кәрімов, А.Тауымов, Круглоозерный, Деркөл, Зашаған кенттері мен Желаев ауылы бастауыш ардагерлер ұйымдарының, жерлестер қауымдастықтарының төрағаларына алғыс хат табыс етілді. Сонымен қатар ҚР Тәуелсіздігінің 30 жылдығына орайластырылған «30 жұлдызды күн» шаралары аясында «Независимость сквозь призму времени» атты жеке фотосурет көрмесін ұсынған Г.Трищенков пен «Тәуелсіздікке тарту» атты жеке көрмесін өткізген Ж.Өтешов марапатталды.
Мерекелік концертте Жастар мәдениет үйінің әншілері «Салтанат» би ансамблі, скрипкашылар және вокалды аспаптар ансамбльдері, сондай-ақ «Junior Eurovision 2021» ұлттық жоба байқауының жеңімпазы Әлинур Хамзин өнер көрсетті.
Елмұра АСХАТҚЫЗЫ,
zhaikuni.kz
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу