КіруӘСКЕРИЛЕР СЫНАҚ ТАПСЫРДЫ
Оралда №5517 әскери бөлімінің «Батыс» өңірлік қолбасшылығының жеке құрамы қорытынды тексерісті тапсырды. Оған лауазымы мен әскери атағына қарамастан бөлімнің барлық әскери қызметшілері қатысты. Сынақты «Батыс» өңірлік қолбасшылығының қолбасшысының орынбасары – полковник Павел Ситниковтың басшылық етуімен арнайы құрылған комиссия қабылдады.
Қорытынды тексерудің мақсаты – әскерлердің жауынгерлік және жұмылдыру дайындығының нақты жай-күйін, жеке құрамның даярлық деңгейін айқындау, сондай-ақ командирлерге күнделікті және жауынгерлік оқу-жаттығу қызметін ұйымдастыру жұмыстарының түрлерін, әдістерін жетілдіруде іс жүзінде қолдау көрсету.
Кестеге сәйкес әскери қызметшілер саптық, мемлекеттік-құқықтық, кәсіптік, арнайы, дене шынықтыру және атыс даярлықтары бойынша сынақтарды тапсырды. Сонымен қатар олар жалпы әскери жарғылар мен радиациялық, химиялық және биологиялық қорғау жөніндегі нормативтер туралы өз білімдерін көрсетті.
Әсіресе, ұландықтар 100 метрге және 1,3 мың километрге жүгіру және жас ерекшеліктеріне қарай белтемірге тартылды. Әскери қызметшілердің ерік – жігері және үнемі дене шынықтырумен айналысудың арқасында әскери бөлім жеке құрамы барлық жаттығу түрлерінен жақсы деген баға алды. Комиссия мүшесі майор Бақтияр әскери бөлімнің дене дайындығына, жеке құрамның талпынысына ризашылығын жасырмады.
-Бүгінгі тексеріс негізінен әскери қызметшілердің әскери дайындығын бағамдауға бағытталған. Жауынгерліқ дайындық деп отырғанымыз, олардың сыртқы түр-келбеті, киімі, жабдықталуы, барлық қажетті құжаттарының болуы және біліктілігі мен білімі өз деңгейінде екеніне көз жеткізу. Батыр Бауыржан Момышұлы «Тәртіпке бағынған құл болмайды!» деген болатын. Сондықтан, әскердің темірдей тәртібіне бағына отырып, білімімен, білігімен, дене тәрбиесі дайындығымен, мергендігімен ерекшеленген жауынгерлер де «өте жақсы» және «жақсы» деген бағаларға қолжеткізді, – деді 5517 әскери бөлімнің командирі подполковник Сағындық Алқайдаров.
«Батыс» өңірлік қолбасшысының орынбасары, полковник Павел Ситниковтің айтуынша, барлық әскери қызметкерлер жоғары шеберліктерін көрсетіп, сынақты жақсы тапсырды.
Қорытынды тексеру жыл сайын оқу жылының соңында барлық әскери бөлімдерде өткізілетінін және әскери қызметшілердің, бөлімшелер мен бөлімдердің жауынгерлік тапсырмаларды орындауға дайындығын көрсететін білім деңгейін бақылау бөлігі болып табылатынын айта кеткен жөн.
капитан Ертуған Әубакир,
Орал.
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу