КіруХАЛЫҚ САНАҒЫ-2021: ОРАЛДЫҚ ИНТЕРВЬЮЕР АЛҒАШҚЫ БОЛЫП РЕСПОНДЕНТТЕРДІ ТІРКЕУДІ АЯҚТАДЫ
1 қазаннан жалпыұлттық халық санағын жүргізу мақсатымен интервьюерлер мекенжайлар бойынша сауалнама жүргізіп, тіркеуді бастады. Орал қаласы бойынша 154 азамат интервьюер ретінде қызмет атқаруда. Солардың бірі – Кәмшат Жұмағалиева. Ол Желаев ауылдық округіндегі өзіне бекітілген аумақ бойынша 185 үйді аралап, респондентерді сауалнамадан өткізіп, толықтай тіркеуді аяқтады.
Халық санағы – 2021. Бұл еліміз тәуелсіздік алған сәттен бастап үшінші рет өткізіліп отырған санақ. Кәмшат Жұмағалиева бұған дейін, яғни 2009 жылы өткізілген санақ кезінде интервьюер ретінде жұмыс жасаған екен. Ол кезде санақ сауалнамалары бойынша деректер қағаз жүзінде толтырылса, биыл алғаш рет цифрлық технологияны қолданып, тұрғындарды тіркеді.
– Қыркүйек айында БҚО Статистика департаментінен әңгімелесуден өтіп, сауалнама жүргізу бойынша семинарға қатыстық. Содан соң интервьюер ретінде жұмысқа алындым. 1-19 қазан аралығында үй-үйлерді аралап тіркеу жасадым. Санақта 91 сұрақ бар. Егде жастағы қарияларымыз кейбір сұрақтарға келгенде естеріне түсіре алмай тұрып қалатын кездері болады. Сонымен қатр бір үйде 5 адам болса, әрқайсысын тіркеп шығу ұзақ уақыт алады. Бір үйде шамамен 1,5 сағатқа дейін отырып қалатын кездер болды. COVID-19-ға қатысты да сұрақ қойылады. Көпшілігі ауырғанын айтқысы келмейді, – дейді Камшат Төлегенқызы.
Интервьюер 185 үйді аралап, 850 адамды тіркеуден өткізді. Осылайша, маңызды науқанның міндеттемесін 19 күнде жауапкершілікпен атқарып шықты. Кәмшат ханым «Орал КҚЕО» ЖШС-да бақылаушы болып жасайды екен. Айтуынша, осы қызметі де санақ жүргізуде оң ықпалын тигізген. 2018 жылдан бері газ бойынша есептеуіш көрсеткішін алу, түбіртек, ескертулер тарату мақсатымен мекенжайларды аралап жүретіндіктен, тұрғындармен жақсы таныс. Сол себепті әр үйге кіруде, тұрғындармен тілдесуде қиындықтар болмаған.
– Тұрғындар сеніммен қарады. Таңертең негізгі жұмысыма шыққанда, санақ мекенжайларын қоса араладым. Дегенмен, жұмыс уақыты болғандықтан, кейбірі үйлерінде болмады. Оларға телефон нөмірімді жазып, ескерту парағын калдырып кеттім, жұмыстан келген соң, кешкі уақытта өздері хабарласып, whatsapp мессенджері арқылы сауалдарға жауап берді. Осындай кері байланыстың болуы уақытынан бұрын аяқтауыма да ықпал етті деп ойлаймын. Сонымен қатар халықтың бірқатары онлайн түрде өткен болатын. Оларды хабарлама нөмірімен ғана тексеріп өттім, – дейді Кәмшат Жұмағалиева.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу