КіруОРМАН АЛҚАБЫ ӨРТЕНІП ЖАТЫР
Оқиғаға байланысты БҚО ТЖД-да жедел штаб құрылды.
БҚО Төтенше жағдайлар департментінің хабарлауынша, бүгін, 16 тамыз күні сағат 14.55-те Бәйтерек ауданы, Трекино ауылдық округі Трекино ауылы және Володарка ауылы аралығында «Орман және жануарлар әлемін қорғау Январцев коммуналдық мемлекеттік мекемесі» аумағында шамамен 8 гектар алаңда құрғақ шөп және шамамен 5 гектар алаңда орманда үйеңкі мен теректер жанған.
Сағат 17.20-да өрт Жайық өзені арқылы Теректі ауданы Ақсуат ауылдық оуругі аумағына ауысты. «Орман және жануарлар әлемін қорғау Орал коммуналдық мемлекеттік мекемесі» аумағындағы шамамен 5 гектар аумақта құрғақ шөп пен 3 гектар аумақтағы үйеңкі мен теректер өртенген.
Оқиға орнынан ТЖД күшімен Жайық өзенінде байдаркада жүзіп, жаттығып жүрген спорт клубының 10 адамы құтқарылды, оның тоғызы бала.
Көмекке БҚО ТЖД 31 қызметкерімен Кунг шықты. Жалпы оқиға орнында ТЖД 68 қызметкері және 10 бірлік техника, орман шаруашылығынан 10 қызметкер мен 2 бірлік техника және еріктілерден 5 қызметкер және 1 бірлік техника жұмыс атқаруда.
zhaikuni.kz
Версия для печати
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу