КіруАБАЙДЫҢ РУХЫНА ТАҒЗЫМ ЕТТІ
Бүгін – Абай күні. Ұлы тұлғаның туған күніне орай Оралда рухани шаралар ұйымдастырылды. Орталық алаңдағы Абай ескерткішіне гүл шоқтары қойылып, қалалықтар қазақтың бас ақынының рухына тағзым етті.
10 тамыз – халқымыздың ұлы перзенті, ақын, ағартушы, қазақ жазба әдебиетінің негізін қалаушы, философ, композитор, аудармашы, саяси қайраткер Абай Құнанбайұлының туған күні. Өткен жылы Қазақстан Республикасы Үкіметінің қаулысымен елімізде 10 тамыз – Абай күні болып ресми түрде бекітілді. Бұл күн – қоғамдық сананы жаңғыртатын, тұтас ел, ұлт болып дамуымызға серпін беретін зор мәнге ие. Абай ескерткіші алдында ұйымдастырылған «Әлем таныған ұлы Абай» атты танымдық шарада педагогика ғылымдарының докторы, профессор Абат Қыдыршаев Абай күнінің маңыздылығын атап өтті.
– Дау жоқ, бүгінгі күн қазақ қауымы үшін шын мәнінде бірегей ұлықты күн. Абайды құрметтеу, Абайға тағзым ету – шын мәнінде Абайдың күллі қағидаларына, барша мұрасына бас ию, Абай аманатына сенімді көзқараспен қарау деген сөз. Шын мәнінде Абай әлемдік рухани өркениеттің алыбы. ҚР Президенті Қасым-Жомарт Кемелұлы айтқандай, Абай – жаңа Қазақстанның бренді, Абай қазақ ұлтын әлемге танытушы тұлға. Абайдың мұраларын меңгеру, игеру арқылы жаңа ұрпақты баулырымыз сөзсіз. Осы қағидадан ауытқымауымыз керек. Абайдың шәкірті Шәкәрім ғұлама «Халқым, ойыңды түзе, сөзіңе айналады. Сөзіңді түзе, ісіңе айалады. Ісіңді түзе, дағдыңа айналады. Дағдыңды түзе, мінезіңе айналады. Мінезің сенің – тағдырың» деген болатын. Абайдың мұрасын меңгерейік, ойымыз у болмағай, сөзіміз су болмағай, үмітіміз бу болмағай, – деді Абат Сатыбайұлы.
Қала әкімінің орынбасары Ерлан Ғалиев, педагогика ғылымдарының докторы, профессор Абат Қыдыршаев, ақын, өлкетанушы, Жиембет жырау атындағы сыйлықтың иегері Талап Таймасұлы бастап, кітапханашылар мен орталық алаңға жиналғандар Абай ескерткішіне тағзым жасады.
Үрмелі аспаптар оркестрі мен скрипкашылар ансамблінің орындауында «Өзгеге көңілім тоярсың» әніне жазылған фантазия орындалды. Жас өрендер Абайдың даналық ойлары жазылған тақтатастар жанында хакімнің өлеңдерін оқыды. Сондай-ақ «Абай – дана, Абай – дара қазақта» кітап көрмесі қойылып, көпшілікке Абай мұрасы насихатталды.
Кешке қалалық мәдениет және демалыс саябағында Ұлы Абай мұрасына арналған «Абай – ақын, Абай – сазгер» әдеби-сазды кеші өтеді.
Эльмира НҰҒМАНОВА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу