КіруОРАЛДАҒЫ ОРЫС МЕКТЕПТЕРІ ҚАЗАҚ СЫНЫПТАРЫН АШУДА
Оралда кейінгі жылдары орыс тілінде ғана оқытатын мектептердің үлесі азаюда. Бұл ата-аналардың сұранысына орай қазақ сыныптарының ашылуымен байланысты болып отыр. Яғни орыс мектептерінде қазақ сыныптарының ашылуы орыс мектептерінің азайып, аралас тілде оқытатын мектептердің көбеюіне әкелді. Тек қазақ тілінде оқытатын білім ұялары да көбеюде.
Орал қаласы білім беру бөлімі 2021-2022 оқу жылынан бастап орыс тілінде білім беретін №3, 6, 7, 9, 17, 23, 24, 32, 39 жалпы орта мектептер қазақ тілінде оқытатын мектеп алды даярлық сыныбы бойынша оқушыларды қабылдайтынын мәлім етті. Сондай-ақ Вальдорф бағытындағы мектеп-гимназияда қазақ тілінде оқытатын 1, 2 сыныптар ашылмақ.
Айта кетейік, өткен оқу жылында №16 орта мектепте қазақ сыныбы ашылды. Сондай-ақ су жаңа ғимаратқа көшкен Эстетикалық бағыттағы гимназия 1 сынып бойынша екі қазақ сыныбына, 2, 3, 5, 6, 7 сыныптар бойынша бір-бірден қазақ тілді сыныптар ашқан болатын.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу