Кіру10 САҒАТТЫҚ ОТА – ЖОЛ АПАТЫНАН ЗАРДАП ШЕККЕН АЗАМАТТЫҢ ӨМІРІ ҮШІН КҮРЕС
Атырау-Орал тас жолында жантүршігерлік жол апатынан зардап шеккен азаматқа Тайпақ ауылдық ауруханасында ота жасалды.
22 ақпанда Атырау-Орал тас жолының 259 шақырымында, Ақжайық ауданының Атамекен ауылынан 10 шақырым жерде Toyota Corolla және Lada Priora көліктерінің қатысуымен жантүршігерлік апат болды. Апат салдарынан төрт әйел мен екі ер адам қайтыс болды. Ал 1978 жылы туылған бір ер адам, Атырау облысының тұрғыны жақын аралықта орналасқан Ақжайық ауданының Тайпақ ауылдық ауруханасына дене жарақаттарымен жеткізілгенін жазған едік.
Алғашқы тексеру кезінде ауыл ауруханасының дәрігерлері іштің жабық жарақатын анықтады. Оған алғашқы медициналық көмек көрсетіліп, шокқа қарсы шаралар қолданылды. Алайда сағат 22.00-ге қарай науқастың жағдайы нашарлай бастаған. Чапаев ауылынан Ақжайық аудандық ауруханасының хирургиялық тобы шақырылды.
Аурухаана директры, жоғары санатты хирург Алмас Жүнісбековпен бірге хирург Дәурен Кудесов ауылдық ауруханаға келіп, дереу науқастың іш қуысына ота жасады. Алайда, әріптестердің кеңесі мен көмегі қажет болды. Сол күні қатты боран болғандықтан, облыс орталығынан мамандарды алдырту мүмкін болмағанын атап өткен жөн. Сондықтан Жаңақала аудандық ауруханасының бас дәрігері, 14 жылдық операция жасау және медициналық авиацияда тәжірибесі бар, жоғары санатты хирург Сержан Есенгубеков жолға шықты. Бірақ, ауа райына байланысты барлық көлік түрлері үшін жолдардың жабық болуы әбігерге салған. Осы ретте дәрігердің жолға шығу мақсатын білген екі жол полициясының қызметкері дәрігерді өздерінің патрульдік көлігімен Тайпаққа алып барды. Барлық қызметтердің келісілген іс-қимылдарының арқасында ең күрделі операция уақытында жүргізілді.
Хирургтар зардап шегушіні құтқару үшін операциялық бөлмеде 10 сағаттан артық болды. Қазір науқастың жағдайы ауыр, оны тасымалдау мүмкін емес. Бірақ ақ халаттылар оның жарақат салдарын жеңіп, өмір сүреді деген үмітте. Дәрігерлер қолдан келгеннің бәрін жасауда.
Бұл жерде тек дәрігерлердің жұмысын, хирургтардың жанқиярлығын ғана емес, сонымен қатар адамды құтқару жолында өз үлестерін қосқан басқа қызметтердің уақытылы қолдауының маңыздылығын атап өткен жөн.
Медицина мамандары жүргізушілерге көлік жүргізу кезінде, әсіресе қыста автомобиль жолдарында абай болуды тағы бір рет ескертеді. Адам өмірі мен денсаулығынан қымбат ешнәрсе жоқ.
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу