КіруБАТЫС ҚАЗАҚСТАНҒА 277 ДӘРІГЕР КЕРЕК
Бүгін, 20 ақпан күні халықпен онлайн өткен есептік кездесуінде БҚО әкімі Ғали Есқалиев 2020 жылдың әлем үшін сынақ жылы болғанын және індетпен күрес медицина қызметкерлеріне оңай болмағанын атап өтті. Облыста денсаулық сақтау саласындағы атқарылған жұмыстарға да тоқталды.
– 2020 жылы әлем бұрын-соңды болмаған індетпен бетпе-бет келді. Әлі де пандемиямен күрес жалғасуда. Коронавирус індеті амалсыз әрекеттерге баруға мәжбүр етті. Бірақ, әр шектеу шарасының артында ұлт саулығы тұрғанын түсінуіміз керек. Медициналық қызмет көрсету, емдеу барысында көптеген қателіктер кеткенін мойындауымыз қажет. Турасын айтқанда біз мұндай сынаққа дайын болмадық. Індетпен күрес дәрігерлерімізге оңай болған жоқ. 700-ге жуық медицина қызметкері жұқпалы ауруға шалдықты, төрт дәрігеріміз ажал құшты, – деген Ғали Нәжімеденұлы қатерлі індетпен күрес кезінде көз жұмған дәрігерлердің жақындарының қайғыларына ортақ екенін жеткізіп, көңіл айтты.
Мемлекет басшысының тапсырмасымен эпидемияға қарсы шараларға қатысқан 14 мыңнан астам маманға 3,5 млрд. теңге көлемінде қолдау көрсетілді. Қызметте ерен еңбегімен көзге түскен 15 медициналық қызметкер «Парасат», «Құрмет», «Ерен еңбегі үшін», «Шапағат» сияқты орден-медальдармен наградталды.
Өңірде медицина кадрлары мәселесі күрделі болып отыр. Өкінішке орай, дәрігер кадрларының тапшылығы 277 бірлікті құрайды. Дегенмен, 2019 жылмен салыстырғанда 10 пайызға төмендеу байқалады. 2020 жылы облысқа барлығы 106 түлек келді.
– Өңір дәрігерлері қиын оталарды жасау бойынша тәжірибе жинақтау үстінде. Мысалы, қалалық көпбейінді ауруханада алғаш рет инсульт алды күйдегі науқастардың ми артерияларына өте күрделі оталар жасалды. Ал кардиологиялық орталықта алғаш рет жаңа босанған науқастың қолқа клапанын ауыстыру отасы сәтті іске асты. Аталған ота ана өлімін болдырмауға өз септігін тигізеді деп сенемін, – деді Ғали Нәжімеденұлы.
Медициналық инфрақұрылымды жақсарту мақсатында Президент тапсырмасымен үш ай мерзім ішінде жаңа модульді инфекциялық аурухана тұрғызылып, қажетті медициналық аппараттармен жабдықталды. 2020 жылы 1,7 млрд. теңгеге 15 денсаулық сақтау нысанына күрделі жөндеу жүргізілді. Тұңғыш Президент қорының қолдауымен облыстық балалар көпбейінді ауруханасында жабдықталған балалар оңалту орталығы ашылды. Сондай-ақ, 37 бірлік санитарлық автокөлік сатып алынып, жедел жәрдем автокөліктері 100-ге дейін ұлғайды.
Ауыл тұрғындарына медициналық көмектің қолжетімділігі үшін облысқа 9 бірлік жылжымалы медициналық кешендер сатып алынып аудандарға берілді.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу