Кіру15 ҚАҢТАРҒА ДЕЙІН ЖАҒДАЙ ЖАҚСАРМАСА, ШЕКТЕУ КҮШЕЙЕДІ
Қаңтардың бірі мен 10-ы аралығында өңірімізде 401 «COVID-19» оқиғасы тіркелді. Яғни біздің облыс тағы да «сары аймаққа» енді. Күніне орта есеппен 46-ға дейін жаңа ауру анықталып отыр . Ал егер жағдай 15 қаңтарға дейін жақсармаса, шектеу шаралары күшейтілуі мүмкін. Қазіргі таңда өңіріміз вакцинацияға дайындалып жатыр. Алғашқы вакциналар ақпан айында жеткізілуі керек. Аталмыш өзекті мәселелер бүгін облыс әкімі Ғали Есқалиевтың қатысуымен өткен жеделштабтың кезекті отырысында талқыланды.
Облыстың бас мемлекеттік санитарлық дәрігері Мұхамғали Арыспаевтың мәліметінше, қазір БҚО-да ПТР зерттеулері жүргізілетін 12 зертхана бар. Тесттер саны тәулігіне 2000-нан 3400-ге дейін өскен. Жыл басынан бері мониторингтік топтар санитарлық-дезинфекциялық режимнің бұзылуына жол бермеу бойынша жұмысты жалғастыруда. 112 рейд нәтижесінде 1458 учаскенің бесеуінде заң бұзушылықтар анықталып, 656 325 теңгені құрайтын 11 хаттама толтырылған. Нәтижесінде сотқа сегіз материал ұсынылған. Коронавирустық инфекцияға қарсы вакцинацияға қазір белсенді дайындық жұмыстары жүргізілуде. Оның құрамына дәрігерлер мен вакцина егушілерді сертификаттау, сонымен қатар емдеу бөлмелерін дайындау және вакцинаны сақтауға арналған тоңазытқыш жабдықтарын сатып алу кіреді. Бірінші кезекте 7768 медицина қызметкері, 23412 мұғалім, 36905 студент, жүрек-қан тамырлары жүйесі мен тыныс алу жүйесі ауруларымен есепте тұрған 100926 адам, сондай-ақ медициналық-әлеуметтік мекемелердің 2471 жұмысшылары және жабық балалар ұйымдарынан 156 вакцина алынады деп жоспарлануда.
Штаб отырысында белгілі болғандай, халыққа алғашқы медициналық-санитарлық көмек көрсететін облыстық медициналық ұйымдар КВИ-ға қарсы вакцинаны қабылдауға біртіндеп дайындалуда. Облыстық қан орталығында аумағы 1,2 текше метрді құрайтын мұздатқыш бар, ал аудандық ауруханалар да жалпы көлемі 2,2 текше метрді құрайтын осындай үлгідегі мұздатқыштармен қамтылған. Бұл вакцинаның алғашқы партиясын, яғни 80 000 доза мөлшерінде алуға мүмкіндік береді. Сондай-ақ вакциналарды сақтауға және тасымалдауға арналған негізгі салқындатқыш жабдықты сатып алуға өтінім берілген. Оның құны 7 486 749 теңгені құрайды екен. Сондай-ақ, термоиндикаторлары бар 30 термоконтейнер және қатты салқындатуға арналған мұз пакеттерін сатып алу жоспарлануда. Қалалық емханалар үшін 3 393 000 теңгеге медициналық тоңазытқыштар сатып алу туралы шешім қабылданған. Вакцинацияны білікті қызметкерлер қалалық емханалар мен аудандық ауруханалар деңгейіндегі 25 вакцинация бөлмесінде жүргізеді. Қазір вакцинация бөлмелері барлық қажетті құрал-жабдықтармен, соққыға қарсы бұрыштармен, вакцинациядан кейін болуы мүмкін жағымсыз салдарлар кезінде жедел көмек көрсету алгоритмдерімен, дезинфекциялау және зарарсыздандыру ережелерін сақтау шарттарымен, эпидемияға қарсы режимдермен қамтамасыз етілген.
– Күні бүгінде инфекциямен ауыратындар саны артты, нәтижесінде біздің облыс «жасылдан» «сары» аймаққа көшті. Мәселе өзекті, сондықтан қажет болған жағдайда, қатаң шектеу шараларын енгізетін боламыз. Сайлау алдында біз комиссиялардың барлық мүшелері мен бақылаушыларды ПТР тестілеуін өткіздік. Нәтижесінде 4848 адамның 38-інде оң нәтиже анықталды. Біздің облыста инфекция тасымалдаушылардың көбісі облыс аумағында орналасқан шетелдік компаниялардан анықталуда. Ресей шекарасына жақын орналасуымыз да қауіпті арттырып отыр. Өйткені шекара ашық, көліктер жиі қатынауда. Сондықтан сыртқы факторларды қадағалауда ұстауымыз қажет. Вирус жаңа, оның салдары толық анықталған жоқ. Сол себепті қажет болса, оңалту орталығын ашамыз. Жағдайды қатаң бақылауымыз керек, – деді жиынды қорытындылаған өңір басшысы Ғали Нәжімеденұлы.
Кәусар БАЙҒАЛИЕВА
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу