КіруОРАЛДА ҮЗДІК МАМАНДАР МАРАПАТТАЛДЫ
Жыл қорытындысы бойынша әр саланың үздіктеріне «Жыл үздігі» сыйлығы табысталды. Биыл Орал қаласы әкімдігі аталмыш сыйлықты 16 мамандық бойынша ұсынды. Дәстүрлі шара бүгін, 29 желтоқсан күні Салтанат сарайында өтті.
– 2020 жыл – оңай болған жоқ, қиындықтардың бәрі осы жылмен қалып, 2021 жыл еліміз үшін, әр шаңырақ үшін жақсы жаңалықпен келуін тілеймін, – деп салтанатты шараны ашқан қала әкімі Абат Шыныбеков жиналғандарды Жаңа жыл мерекесімен құттықтады. Сондай-ақ жыл ішінде өңірдің әлеуметтік-экономикалық даму көрсеткіштеріне тоқталып, шаһардың әр жетістігі мен табысында әр тұрғынның үлесі бар екенін ерекше атап өтті.
Жыл қорытындысы бойынша «Орал жылыжай комбинаты» ЖШС директоры Алмат Забыхов – «Үздік инвестор» атанды. Алмат Қайратұлының жетекшілігімен биыл компания Зашаған кенті аумағында 5,6 гектар аумақтағы жылыжай кешенінің құрылысын аяқтаған. Мұнда жылына 3 мың тонна өнім шығарылады деп күтілуде.
«Үздік тазалық сақшысы» номинациясы – 2002 жылдан бастап «Жайық таза қала» ЖШС-нда 4 разрядты жол-көпір шаруашылығының қолмен жинау бойынша жұмысшысы Нұрлан Жақановқа, «Үздік әлеуметтік қызметкер» аталымы 2014 жылдан бері қалалық «Жұмыспен қамту және әлеуметтік бағдарламалар бөлімінің зейнеткерлер мен мүгедектерге әлеуметтік қызмет көрсету аумақтық орталығында қызмет етіп, тыл ардагеріне және өмірлік қиын жағдайға түскен жандарға қызмет көрсетіп жүрген Макира Рахметуллинаға берілді.
Жастар мәдениет үйінің «Алаш» этно-фольклорлық ансамблінің жетекшісі Данияр Таңатаров – «Үздік мәдениет қызметкері», «Орал жастары» волонтерлік ұйымының мүшесі Айжан Жұмабай – «Үздік волонтер», 2020 жылы қаңтар айында Атырау қаласында жастар арасында екінші рет Қазақстан чемпионатында, Сербия елінің Белгард қаласында өткен алтын қолғап күштілер турнирінде жүлдегер атанып, ағымдағы жылдың 23-29 қарашасында Шымкентте өткен ересектер арасында Ел чемпионатында 49 келі салмақта жеңімпаз және «Ең жас жеңімпаз» номинациясына ие болған Даниял Сәбит – «Үздік спортшы» аталымын жеңіп алды.
2013 жылдан «Батыс Су арнасы» ЖШС-нда кәріз жүйесінің слесарі болып, қазіргі уақытта кәріз жүйесінің учаскелік басшысы лауазымын атқарып жүрген Жасқайрат Борбаев – «Үздік сантехник» атанса, өз қызметін кәсіби орындайтын қызметкер ретінде көрсете білген «Оралавтотранс» ЖШС жүргізушісі Жақсығали Мүсіров – «Үздік жүргізуші», «Болашақ-Т» ЖШС-ның қызметкері Жаңылғаным Сафиева – «Үздік сырлаушы», «Әлия-сервис» ЖШС-ның қызметкері Ақылбек Хисин – «Үздік дәнекерлеуші», 1991 жылдан құрылыс саласында еңбек етіп, 2005 жылдан «СКФ Отделстрой» ЖШС-нда тұрақты жұмыс жасап жүрген Ғани Күлекешов – «Үздік тас қалаушы», «Оралводстрой» АҚ-ның учаске басшысы Артур Тедеев – «Үздік құрылысшы», «Наурыз» Коммерциялық-Құрылыс фирмасы» ЖШС-ның маманы Әсел Қабиева – «Үздік әрлеуші» номинациясымен марапатталды.
Қалалық №7 орта мектептің информатика пәні мұғалімі Гүлжазира Өтепқалиева – «Үздік ұстаз», №4 қалалық емхананың фтизиатр-пульмонолог маманы Гүлзада Тастаева – «Үздік медицина қызметкері» ретінде марапат алды. «Заңғар» ЖК – 2020 жылдың «Үздік пәтер иелері кооперативі» атанды.
Шара барысында үздіктер құрметіне Жастар мәдениет үйінің өнерпаздары ән шашуларын тарту етті.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу