КіруТӘУЕЛСІЗДІК МЕРЕКЕСІ КҮНІ 180 ОТБАСЫ БАСПАНАЛЫ БОЛДЫ
Бүгін Елбасының тапсырмасымен жүзеге асқан «Нұрлы жер» бағдарламасы бойынша Зашаған кентінде бой көтерген 9 қабатты 180 пәтерлік үйде басталған қоныстойға Батыс Қазақстан облысының әкімі Ғали Есқалиев арнайы келіп, тұрғындардың қуанышымен бөлісті.
Жалпы көлемі 10 609 шаршы метрді құрайтын тұрғын үйдің құрылыс жұмыстарын «ТасқалаТрансгаз» ЖШС жүргізген.
– Баршаңызды бүгінгі еліміздің ұлық мерекесі Қазақстан Республикасының Тәуелсіздік мерекесімен шын жүректен құттықтаймын. Егемен ел атанғанымызға небары 29 жыл. Әрине тарихи тұрғыдан 29 жыл аз уақыт болғанымен, осы жылдар ішінде талай жетістіктерге жеттік. Алда алар белестеріміз де көп. Бұл үшін 29 жыл ішінде қалыптасқан белестерді сақтап қалуымыз керек. Ол – елдің тұрақтылығы, халықтың татулығы. Мерекемен тұспа-тұс жаңа пәтер алып жатқан тұрғындарды қуаныштарымен құттықтаймын. Халықтың өмір сүру сапасын жақсарту үшін біз мемлекетімізде арнайы бағдарламаларды іске асырудамыз. Қолжетімді тұрғын үйлер салуға арналған «Нұрлы жер» мемлекеттік бағдарламасы Елбасының тапсырмасымен бірнеше жыл бұрын басталғанын білесіздер. Осы аймақ 4-5 жыл бұрын жазық дала болатын. Аз уақыттың ішінде қаншама зәулім үйлер салынуда. Бәрі де халықтың игілігі үшін мемлекет тарапынан жасалып жатқан көмек. Бұл несие арқылы алынған үйлер. Біріншіден мемлекет несиенің қолжетімділігін қамтамасыз етті. 5 пайызбен алынған несиені 15-20 жылдың ішінде қайтаруға мүмкіндік бар. Екі бөлмелі пәтерлер үшін айына 60 мың теңге төленеді. Бұл сіздердің жеке үйлеріңіз болады. Екіншіден, сіздер үшін бір шаршы метрі 140 мың теңге болса, мемлекет үшін шаршы метрі 215 мың теңгеге шықты. Біз мердігерге бір шаршы метрге 188 мың теңге төлеп отырмыз. Оның ішіне инфрақұрылым, ауланы абаттандыру жұмыстары кіреді. Бұл мемлекеттің халықты қолдауы, – деген өңір басшысы Ғали Нәжімеденұлы қуанышқа кенелген отбасыларға пәтер кілттерін салтанатты түрде табыстады.
«Тұрғынүйқұрылысжинақбанкі» арқылы ай сайын салым жинап, көптен күткен баспанасына қол жеткізген Айгүл Еркештаева мемлекеттік бағдарламаның тиімді тұсын ұтымды пайдалануға болатынын жеткізді. – Тәуелсіздік мерекесі қарсаңында арманыма орындалды. Үш жыл бұрын «Тұрғынүйқұрылысжинақбанкінен» депозит аштым. Ай сайын жалақымның бір бөлігін осында салып отырдым. Міне, бүгін екі бөлмелі пәтердің кілтін қолыма алып, қуанып тұрмын. Екінші қабат, үйім жылы, кең, жөндеуі жақсы жасалған. Аумағы 61 шаршы метрді құрайды. Бүгінге дейін баспанамның жарты құнын жинадым. Сондықтан енді ай сайын небары 38 мың теңге төлеп тұрамын. Бұл жас жанұялар үшін зор мүмкіндік, – дейді ол.
Бұдан соң өңір басшысы шаңырақтарды аралап, қуаныш иелеріне «Құтты болсын!» айтты.
Кәусар БАЙҒАЛИЕВА
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу