КіруОРАЛДА «ТӘУЕЛСІЗДІККЕ ТАРТУ» АТТЫ ЖАС АҚЫНДАР АЙТЫСЫ ӨТТІ
ҚР Тәуелсіздігі күніне орай бүгін, 15 желтоқсан күні Қадыр Мырза Әли атындағы облыстық мәдениет және өнер орталығы, Айтыс ақындары мен жыршы-термешілердің Халықаралық одағының БҚО филиалы мен Орал қаласының әкімдігі, Орал қаласының ақпараттық-талдау және жастармен жұмыс жөніндегі ресурстық орталықтың ұйымдастыруымен «Тәуелсіздікке тарту» атты оқушылар мен жас ақындардың аймақтық айтысы өтті.
Тиісті карантин талаптары сақталған сөз додасында Батыс Қазақстан, Ақтөбе облысынан оқушы ақындар мен белгілі жас айтыскерлер өзара сайысқа түсті. Шараны Қадыр Мырза Әли атындағы облыстық мәдениет және өнер орталығының директоры, Айтыс ақындары мен жыршы-термешілердің Халықаралық одағының БҚО филиалының төрағасы Бауыржан Халиолла ашып, ақындарға сәттілік тіледі.
Айтысқа қатысушыларға Бауыржан Халиолла, Қазақстан Жазушылар одағының мүшесі, ҚР Мәдениет саласының үздігі ұстаз, ақын Дариға Мұштанова, ардагер-ұстаз, жұбантанушы Үзілдік Елеубайқызы, ұстаз-ақын, «Ақберен» жас ақындар мектебінің жетекшісі Талап Таймасұлы, айтыскер ақын, ҚР Мәдениет саласының үздігі Ерікқали Ахметов, айтыс ақыны, журналист, «Жайық Пресс» медиахолдингі Ақпарат агенттігінің бас редакторы Ертай Бимұханов қазылық етті.
Аймақтық айтысқа Батыс Қазақстан облысынан Орынбек Меңдіқұл мен Нұрдана Темір, Мұрадым Мирланов пен Абзал Наурызғали, Айнабек Бисенғалиев пен Нұрым Амангелді, Жарқынбек Шынтаев пен Әділ Ахметов, Бекболат Қаленов пен Райымбек Өтепов және Ақтөбе облысынан Бекзат Құлшар мен Сағыныш Смет қатысты.
Бұл айтыстың басты жаңалығы – сахнаға төселген белгілі айтыскерлер (тәлімгерлер) мен өнерге енді қадам басқан оқушы және жас ақындар бақ сынасты. Сайыс талабына сай тәлімгерлер айтыс жүлдесінен тыс қатысты.
Қазылар алқасының шешімі бойынша қаратөбелік Райымбек Өтепов пен оралдық Әділ Ахметов бас жүлдеге ие болды. Айтыстың арулары ақтөбелік Сағыныш Смет пен теректілік Нұрдана Темір ІІ орынды еншіледі. Сырымдық Нұрым Амангелді мен ақжайықтық Абзал Наурызғали ІІІ орынды өзара бөлісті. Жас ақындар бағалы сыйлықтармен марапатталды.
Шара соңында Орал қаласы әкімінің орынбасары Бақытжан Нарымбетов сөз сөйлеп, айтысты ұйымдастырушыларға шаһар басшысы атынан алғысхат пен естелік сыйлық табыс етті. Айтысты қорытындылаған Бауыржан Халиолла айтыстың демеушілері – Орал қаласының ақпараттық-талдау және жастармен жұмыс жөніндегі ресурстық орталықтың басшысы Дулат Жүсіпқалиевке, «Marhaban» шығыс асханасы кафесінің иесі Әсет Сұлтанұлына, жеке кәсіпкерлер Айбат Мырзағалиев пен Азамат Амангелдіұлына алғысхат пен естелік сыйлық тапсырып, қолдау білдірген баршаға рахметін жеткізді.
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу