КіруСОҚҚЫҒА ЖЫҒЫП, КӨЛІГІН ТАРТЫП АЛҒАН
Қараша айының соңғы күндерінде Орал қаласы аумағында көлікті айдап кетуге қатысты 2 факті тіркелді. Бірінші көлікті айдап кету фактісі кезінде екі жігіт «Жұлдыз» шағын ауданындағы бір көлік иесіне физикалық күш көрсетіп, тапа-тал түсте ойдай соққыға жығып, иелігіндегі көлігін тартып алған. Бейтаныс адамдардан оңбай таяқ жеген азамат Орал қаласының полиция басқармасына хабарласты. Оқиға туралы Орал қаласы Полиция басқармасының баспасөз қызметі хабарлады.
Осы жедел мәліметті қабылдаған басқарма басшылары «Тосқауыл» операциясын іске қосты. Жеке құрам іздестіру іс-шарасын дереу қолға алды. Бұл уақытта Б.есімді 1999 жылғы және Д. есімді 1999 жылғы жас жігіттер оңай жолмен олжалаған көлікпен бір күнде Атырау қаласына зулап жеткен. Атырау қаласына апарып, бөлшектеп сатпақ жымысқы ойлары болған. Осылайша әуелі қарақшылық шабуыл жасап, көлік иесін соққыға жығып, жұдырықтың астына алған 2 күдіктіні тәртіп сақшылары ұстады. Жедел уәкілдер көлікті олардан тәркілеп, басқармаға жеткізді. Күдіктілер жуып-тазалап сатуға дайындаған, бірақ, сатып үлгере алмаған.
Қолды болған екінші көлік Орал қаласы аумағынан табылды. Бұл күдікті ұсталғанда 8 көлікті қуып айдап кеткенін мойындады. Соңғы көліктің есігіне кілттерді үйлестіріп ашып, айдап кеткен. Көліктің аккумуляторын, жөндеу кілттерін, өзге де жеке мүліктерді ұрлаған. Күдікті айдап кеткен «Ваз» маркалы көлікті көзден таса орынға тығып қойған екен. Көлік жасырылған мекенжайға барған сақшылар жоғалған көлікті бірден танып, басқармаға жеткізді. Жуықта екі көлік иесіне қайтарылады.
Бүгінгі күні Қазақстан Республикасы Қылмыстық кодексінің 192 бабының 3 тармағымен, 188 баптың 3 тармағымен қылмыстық істер тергелуде. Көлікті тізгіндеп, айдап кеткен күдіктілер Орал қ.ПБ- ның уақыт ұстау изоляторында қамауда отыр. Тергеу амалдары жүргізілуде.
Басқарманың баспасөз қызметкері Гүламан Исмағұлованың айтуынша, жыл басынан бері Орал қаласы аумағында 87 көлік айдап кету фактісі тіркеліп, төртеуі ғана ашылмады. Полиция қызметкерлері іздеу жұмыстарын жалғастыруда. 2019 жылдың есепті мерзімінде, яғни 11 айында 63 көлік қуып кету фактісі орын алған.
Деректерге сүйенсек, әсіресе, «Ваз», «Пассат» , «Аудио» маркалы көліктер жиі қуылып кетеді екен. Себебі, есіктеріне кілттерді үйлестіріп ашу өте жеңіл әрі ыңғайлы екенін мамандар жасырмайды.
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу